ନୂଆଦିଲ୍ଲୀ: କାଶ୍ମୀରର ୩ଟି ଲୋକସଭା ଆସନ ପାଇଁ ପ୍ରାର୍ଥୀ ଘୋଷଣା କରିଛି ପିଡିପି। କାଶ୍ମୀରର ଅନନ୍ତନାଗ-ରଜୌରୀ, ଶ୍ରୀନଗର ଏବଂ ବାରାମୁଲା ଆସନ ପାଇଁ ପ୍ରାର୍ଥୀ ଘୋଷଣା କରାଯାଇଛି । ଅନନ୍ତନାଗ-ରଜୌରୀ ଆସନରୁ ପିଡିପି ମୁଖ୍ୟ ମେହବୁବା ମୁଫତି ପ୍ରାର୍ଥୀ ହୋଇଛନ୍ତି। ଏଠାରେ ଗୁଲାମ ନବୀ ଆଜାଦଙ୍କ ସହ ତାଙ୍କର ସିଧାସଳଖ ଟକ୍କର ହେବ। ପ୍ରାର୍ଥୀ ଘୋଷଣା ବେଳେ ମେହବୁବା କହିଛନ୍ତି ଯେ ଆମେ କାଶ୍ମୀରର ସମସ୍ତ ଆସନରେ ପ୍ରତିଦ୍ୱନ୍ଦ୍ୱିତା କରିବୁ ଏବଂ ଜମ୍ମୁରେ କଂଗ୍ରେସକୁ ସମର୍ଥନ କରିବୁ। ମେହବୁବା ମୁଫତି ପୂର୍ବରୁ ମଧ୍ୟ ଅନନ୍ତନାଗରୁ ସାଂସଦ ରହିଛନ୍ତି। ଜମ୍ମୁ କାଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ଗୁଲାମ ନବୀ ଆଜାଦ୍ ମଧ୍ୟ ଏହି ଆସନରୁ ସାଂସଦ ରହିସାରିଛନ୍ତି। ଏହି ଆସନରେ ଏଥର ଲଢେଇ ବରାବର ହେବ ବୋଲି କୁହାଯାଉଛି। ସେହିପରି ଶ୍ରୀନଗରରେ ଦଳର ଯୁବ ନେତା ମହମ୍ମଦ ୱହିଦ ପାରା ଏବଂ ବାରାମୁଲା ଆସନରେ ଫୟାଜ୍ ମିରଙ୍କୁ ପ୍ରାର୍ଥୀ କରିଛି ପିଡିପି।
Comments are closed.