ନୂଆଦିଲ୍ଲୀ : ରାମନବମୀ ଅବସରରେ ଧୁମଧାମରେ ସାରା ଦେଶରେ ଭଗବାନ ରାମଙ୍କ ପୂଜାର୍ଚ୍ଚନା କରାଯାଇଥିଲା । ଅଯୋଧ୍ୟା ସ୍ଥିତ ରାମ ମନ୍ଦିରରେ ମଧ୍ୟ ଭବ୍ୟ ପ୍ରସ୍ତୁତି କରାଯାଇଥିଲା । ଏହି ଦିନ ପ୍ରଭୁ ରାମଙ୍କ ସୂର୍ଯ୍ୟ ତିଳକ ମଧ୍ୟ କରାଯାଇଥିଲା । ସାମାଜିକ ଗଣମାଧ୍ୟମରେ ଏସମ୍ପର୍କିତ ଅନେକ ଭିଡିଓ ଭାଇରାଲ ହେଉଛି । ତେବେ ଏହି ଦିନ ଏକ ଖାସ୍ ଘଟଣା ଘଟିଥିଲା ଯାହା ଏବେ ଇଣ୍ଟରନେଟରେ ଚର୍ଚ୍ଚାର ବିଷୟ ପାଲଟିଛି । ଜଣେ ମହିଳା ସୁନାର ଏକ ଇଟା ନେଇ ଦିଲ୍ଲୀରୁ ଅଯୋଧ୍ୟା ଆସିଥିଲେ ପ୍ରଭୁ ରାମଲାଲାଙ୍କୁ ଦେବା ପାଇଁ କିନ୍ତୁ ଘଟିଲା କିଛି ଅଲଗା । ଆସନ୍ତୁ ଜାଣିବା…
View this post on Instagram
ଭାଇରାଲ ଭିଡିଓରେ କୁହାଯାଉଛି କି ଜଣେ ମହିଳା ରାମଲାଲାଙ୍କୁ ସୁନା ଇଟା ଦେବାକୁ ଆସିଥିଲେ । କିନ୍ତୁ ସେ ମୂର୍ତ୍ତି ଦେଖି ଭାବବିହ୍ବଳ ହୋଇଗଲେ । ଏହା ପରେ ସେ ଦେବାକୁ ଆଣିଥିବା ସୁନା ଇଟା ତ ଦେଲେ, ତା ସହ ପିନ୍ଧିଥିବା ସବୁ ଗହଣା କାଢି ଦେଇଦେଲେ । ସମସ୍ତେ ମହିଳାଙ୍କ ଏଭଳି କାର୍ଯ୍ୟକୁ ଖୁବ୍ ପ୍ରଶଂସା କରୁଛନ୍ତି । ସାମାଜିକ ଗଣମାଧ୍ୟମରେ ଏହି ଭିଡିଓ ଭାଇରାଲ ହେବା ପରେ ସମସ୍ତେ କହୁଛନ୍ତି ଯେ ‘ସବୁ ତ ସେହି ପ୍ରଭୁଙ୍କର, ଯେତେ ଦେଲେ ବି କମ୍ ।’
କହିରଖୁଛୁ ରାମ ମନ୍ଦିରକୁ ୨୨ ଜାନୁୟାରୀରେ ପ୍ରାଣ ପ୍ରତିଷ୍ଠା ପରଠୁ ମାସେ ଭିତରେ ପ୍ରାୟ ୨୫ କିଲୋ ସୁନା ଏବଂ ରୂପା ଅଳଙ୍କାର ସମେତ ପ୍ରାୟ ୨୫ କୋଟି ଟଙ୍କା ଦାନ ମିଳିଥିଲା । ମନ୍ଦିର ଟ୍ରଷ୍ଟ ଜଣାଇଥିଲା କି ଏହି ରାଶିରେ ଚେକ୍, ଡ୍ରାଫ୍ଟ, ନଗଦ ଟଙ୍କା ଏବଂ ଦାନ ପେଟିରେ ଜମା ରାଶି ମଧ୍ୟ ସାମିଲ ।
Comments are closed.