ଭବାନୀପାଟଣା: ଜୁନାଗଡ଼ ଥାନା ବଳଦିଆ ମାଲ ଛକରେ ଏକ ବାଲି ବୋଝେଇ ହାଇୱା ଚାପାରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ମୃତକ ବଳଦିଆମାଲ ଗାଁର ସହଦେବ ନାଏକ (୩୫) ବୋଲି ଜଣା ପଡିଛି।
ସୂଚନା ଅନୁଯାୟୀ ଆଜି ଦିନ ପ୍ରାୟ ୧୨ ଟା ବେଳେ ସହଦେବ ଏକ ସାଇକେଲ ରେ ଆସୁଥିବା ବେଳେ ଓଡିଇ୧୫୧୨ ନମ୍ୱର୍ ବୋଲେରୋ ଡ୍ରାଇଭର ହଠାତ୍ ଗେଟ ଖୋଲି ଦେଇଥିଲେ। ଫଳରେ ସହଦେବ ରାସ୍ତା ଉପରେ ଛିଟିକି ପଡ଼ିଥିଲେ।
- Advertisement -
ସେହି ସମୟରେ ବାଲି ବୋଝେଇ ଓଡି ୦୫ ଏଫ ୪୮୪୮ ନମ୍ୱର୍ ହାଇୱା ଚକ ତଳେ ପଡି ସହଦେବଙ୍କ ଘଟଣା ସ୍ଥଳରେ ମୃତ୍ୟୁ ଘଟିଥିଲା। ଦୁର୍ଘଟଣା ପରେ ସ୍ଥାନୀୟ ଲୋକେ କ୍ଷତି ପୂରଣ ଦାବିରେ ରାସ୍ତା ରୋକ କରିଛନ୍ତି। ଫଳରେ ୨୬ ନମ୍ୱର୍ ଜାତୀୟ ରାଜପଥର ଭବାନିପାଟଣା ରୁ ଜୟପୁର ଏବଂ ଧର୍ମଗଡ କୁ ଯାତାୟାତ ବାଧାପ୍ରାପ୍ତ ହେଇଛି। ଜୁନାଗଡ଼ ପୁଲିସ ଏବଂ ତହସିଲଦାର ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରୁଛନ୍ତି।
