ଲୋକସଭା ନିର୍ବାଚନ: ବଡ଼ ଧରଣର ବଦଳି ପାଇଁ ନିର୍ବାଚନ କମିଶନଙ୍କ ନିର୍ଦ୍ଦେଶ, ହଟିଲେ ପଶ୍ଚିମବଙ୍ଗ ଡିଜିପି

ଡେସ୍କ: ଲୋକସଭା ନିର୍ବାଚନରେ ସମାନ ସୁଯୋଗ ସୁନିଶ୍ଚିତ କରିବା ପାଇଁ ନିର୍ବାଚନ ଆୟୋଗ ସୋମବାର ଗୁଜରାଟ, ଉତ୍ତରପ୍ରଦେଶ, ବିହାର, ଝାଡ଼ଖଣ୍ଡ, ହିମାଚଳ ପ୍ରଦେଶ ଏବଂ ଉତ୍ତରାଖଣ୍ଡର ଗୃହ ସଚିବଙ୍କୁ ହଟାଇବାକୁ ନିର୍ଦ୍ଦେଶ ଦେଇଛନ୍ତି। ଏଥି ସହିତ ପଶ୍ଚିମବଙ୍ଗ ପୁଲିସ ମହାନିର୍ଦ୍ଦେଶକଙ୍କୁ ହଟାଇବାକୁ ନିର୍ଦ୍ଦେଶ ଦିଆଯାଇଛି। ମିଜୋରାମ ଓ ହିମାଚଳ ପ୍ରଦେଶର ସାଧାରଣ ପ୍ରଶାସନିକ ବିଭାଗର ସଚିବଙ୍କୁ ହଟାଇ ଦିଆଯାଇଛି।

ଷ୍ଟେଟବ୍ୟାଙ୍କକୁ ପୁଣି ଡେଡ଼ଲାଇନ, ମାର୍ଚ୍ଚ ୨୧ ସୁଦ୍ଧା ନିର୍ବାଚନୀ ବଣ୍ଡର ସମ୍ପୂର୍ଣ୍ଣ ତଥ୍ୟ ଦିଅ – ସୁପ୍ରିମକୋର୍ଟ

ଲୋକସଭା ନିର୍ବାଚନ ପାଇଁ କାର୍ଯ୍ୟସୂଚୀ ଘୋଷଣା କରିବାର କିଛି ଦିନ ପରେ ସିଇସି ରାଜୀବ କୁମାରଙ୍କ ନେତୃତ୍ୱରେ ଗଠିତ ନିର୍ବାଚନ କମିଟି ବ୍ରିହନମୁମ୍ବାଇ ମ୍ୟୁନିସିପାଲିଟି କମିଶନର ଇକବାଲ ସିଂହ ଚହଲ, ଅତିରିକ୍ତ କମିଶନର ଏବଂ ଡେପୁଟି କମିସନରଙ୍କୁ ହଟାଇବାକୁ ନିର୍ଦ୍ଦେଶ ଦେଇଛନ୍ତି।

ମୃତ୍ୟୁ ପୂର୍ବରୁ ଘଟେ ଏହି ୪ଟି ରହସ୍ୟମୟ ଘଟଣା..

ନିର୍ବାଚନ ସମ୍ବନ୍ଧୀୟ କାର୍ଯ୍ୟ ସହ ଜଡ଼ିତ ଅଫିସର, ଯେଉଁମାନେ ତିନି ବର୍ଷ ପୂରଣ କରିସାରିଛନ୍ତି କିମ୍ବା ନିଜ ନିଜ ଜିଲ୍ଲାରେ ଅଛନ୍ତି ସେମାନଙ୍କୁ ବଦଳି କରିବାକୁ ଆୟୋଗ ସମସ୍ତ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଥିଲେ। ମହାରାଷ୍ଟ୍ରର କିଛି ମ୍ୟୁନିସିପାଲିଟି କମିଶନର ଏବଂ କିଛି ଅତିରିକ୍ତ ଏବଂ ଡେପୁଟି ମ୍ୟୁନିସିପାଲିଟି କମିଶନରଙ୍କ ସମ୍ପର୍କରେ ନିର୍ଦ୍ଦେଶାବଳୀ ପାଳନ କରିନଥିଲା।

ନିର୍ବାଚନ ପ୍ରସ୍ତୁତି ନେଇ ପୁଲିସର ଗୁରୁତ୍ୱପୂର୍ଣ୍ଣ ବୈଠକ

ରାଜ୍ୟ ମୁଖ୍ୟ ଶାସନ ସଚିବଙ୍କୁ ଅସନ୍ତୋଷ ଜଣାଇବା ସହ ସୋମବାର ସନ୍ଧ୍ୟା ୬ଟା ସୁଦ୍ଧା ରିପୋର୍ଟ ଦେବାକୁ ନିର୍ଦ୍ଦେଶ ଦେବା ସହ ବିଏମସିର ଅତିରିକ୍ତ ଓ ଡେପୁଟି କମିସନରଙ୍କୁ ବଦଳି କରିବାକୁ କମିଶନ ନିର୍ଦ୍ଦେଶ ଦେଇଛନ୍ତି। ମହାରାଷ୍ଟ୍ରରେ ଥିବା ଅନ୍ୟ ନିଗମର ସମସ୍ତ ମ୍ୟୁନିସିପାଲିଟି କମିଶନର ଏବଂ ଅତିରିକ୍ତ କିମ୍ବା ଡେପୁଟି ମ୍ୟୁନିସିପାଲିଟି କମିଶନରଙ୍କୁ ବଦଳି କରିବାକୁ ମଧ୍ୟ ମୁଖ୍ୟ ଶାସନ ସଚିବଙ୍କୁ ନିର୍ଦ୍ଦେଶ ଦିଆଯାଇଛି।

ଆଜି ଇଡି ସାମ୍ନାରେ ହାଜର ହେବେନି ଅରବିନ୍ଦ କେଜ୍ରିୱାଲ୍ , କହିଲେ ସମନ ବେଆଇନ୍

ନିର୍ବାଚନ ପ୍ରକ୍ରିୟାର ସମାନତା ବଜାୟ ରଖିବା ଏବଂ ନିର୍ବାଚନ ପ୍ରକ୍ରିୟାର ଅଖଣ୍ଡତା ସୁନିଶ୍ଚିତ କରିବା ପାଇଁ ଆୟୋଗର ପ୍ରୟାସର ଏକ ଅଂଶ ବିଶେଷ ଭାବେ ଏହି ପଦକ୍ଷେପ ନିଆଯାଇଛି, ଯାହା ଉପରେ ସିଇସି କୁମାର ଅନେକ ଥର ଗୁରୁତ୍ୱାରୋପ କରିଛନ୍ତି।

ସିଇସି କୁମାର ଏବଂ ସହଯୋଗୀ ଇସି ଜ୍ଞାନେଶ କୁମାର ଏବଂ ସୁଖବୀର ସିଂହ ସାନ୍ଧୁଙ୍କୁ ନେଇ ଗଠିତ କମିଶନ ସୋମବାର ବୈଠକ କରିବା ପରେ ଏହି ପଦକ୍ଷେପ ନିଆଯାଇଛି।