ଭାରତର ୧ଟଙ୍କା ଏହି ଦେଶରେ ୫୦୦ ଟଙ୍କା ସହ ସମାନ

ସମାଜ ଡିଜିଟାଲ ଡେସ୍କ: ପୃଥିବୀର ସବୁ ଦେଶରେ ବିଭିନ୍ନ ମୁଦ୍ରା ବ୍ୟବହାର କରାଯାଇଥାଏ । କିନ୍ତୁ ଆପଣଙ୍କୁ ଏପରି ଏକ ଦେଶ ବିଷୟରେ କହିବାକୁ ଯାଉଛୁ ଯେଉଁଠାରେ ଭାରତର ୧ଟଙ୍କା ୫୦୦ ଟଙ୍କା ସହିତ ସମାନ । ଏହି ଦେଶ ବିଶ୍ୱର ବୃହତ୍ତମ ତୈଳ ଉତ୍ପାଦନକାରୀ ଦେଶ ମଧ୍ୟରେ ରହିଛି । କିନ୍ତୁ ଆମେରିକାର ପ୍ରତିବନ୍ଧକ ଯୋଗୁଁ ସେହି ଦେଶର ଅର୍ଥବ୍ୟବସ୍ଥା ଖରାପ ହୋଇଯାଇଛି । ଆମେ କହୁଛୁ ଇରାନ ଦେଶ କଥା । ଚାଲନ୍ତୁ ଜାଣିବା କାହିଁକି ଭାରତର ୧ଟଙ୍କା ଇରାନର ୫୦୦ ରିୟାଲ ସହିତ ସମାନ ।
ଇରାନରେ ୧ଟଙ୍କାର ମୂଲ୍ୟ: ଇରାନର ଆର୍ଥିକ ଅବସ୍ଥା ଅତ୍ୟନ୍ତ ଖରାପ ରହିଛି । ଭାରତର ଗୋଟିଏ ଟଙ୍କା ଇରାନର ୫୦୭.୨୨ ଇରାନିୟନ ରିୟାଲ ସହିତ ସମାନ । ଏହାର ଅର୍ଥ ଯଦି କୌଣସି ଭାରତୀୟ ୨୦ହଜାର ଟଙ୍କା ନେଇ ଇରାନକୁ ଯିବ, ତେବେ ସେଠାରେ ତାଙ୍କୁ ବହୁତ ଟଙ୍କା ମିଳିବ । ସେହିପରି ଇରାନରେ ଡଲାର ରଖିବା ଏକ ବଡ ଅପରାଧ । ତେବେ ଟଙ୍କା ରଖିବା ଉପରେ କୌଣସି ପଦକ୍ଷେପ ନିଆଯାଇନଥାଏ । କାରଣ ଇରାନ ଗତ କିଛି ବର୍ଷ ଧରି ଡଲାର ଗ୍ରହଣ କରିବା ବନ୍ଦ କରିଦେଇଛି । ବର୍ତ୍ତମାନ କେବଳ ସ୍ଥାନୀୟ ମୁଦ୍ରାରେ ଭାତର ସମେତ ଅନେକ ଦେଶ ସହିତ ବ୍ୟବସାୟ କରୁଛି ଇରାନ ।
ରିୟାଲ ଇରାନରେ ଏକ ପୁରୁଣା ମୁଦ୍ରା ଅଟେ । ଏହା ପ୍ରଥମେ ୧୭୯୮ ମସିହାରେ ପ୍ରଚଳିତ ହୋଇଥିଲା । କିନ୍ତୁ ୧୮୨୫ ମସିହାରେ ରିୟାଲ ବନ୍ଦ ହୋଇ ବରବର୍ତ୍ତୀ ସମୟରେ ପୁନର୍ବାର ଜାରି କରାଯାଇଥିଲା । ରିୟାଲ ୨୦୧୨ ପରଠାରୁ ଦ୍ରୁତ ଗତିରେ ଖସିବା ଆରମ୍ଭ ହୋଇଛି । ଜୁନ ୨୦୧୮ରୁ ୨୦୨୦ ଜୁନ୍‍ ସୁଦ୍ଧା ରିୟାଲ ପ୍ରାୟ ପାଞ୍ଚ ଗୁଣା ହ୍ରାସ ପାଇଛି । ୨୦୨୨ରେ ଇରାନର ମୁଦ୍ରାସ୍ଫତି ୪୨.୪ପ୍ରତିଶତ ରହିଥିଲା । ଯାହାକି ଦୁନିଆର ସବୁଠାରୁ ଅଧିକ ମୁଦ୍ରାସ୍ଫତି ଥିଲା । ଏହି କାରଣ ପାଇଁ ସେଠାରେ ବେରୋଜଗାର ବଢିଥିଲା ।
ଇରାନରେ ପ୍ରକୃତିର ଚମତ୍କାର ଦୃଶ୍ୟ ସହିତ ଅବିଶ୍ୱସନୀୟ ସ୍ଥାପତ୍ୟ ରହିଛି । ଏହି ପର୍ଯ୍ୟଟନସ୍ଥଳୀ ସବୁ ବୁଲିବାକୁ ପର୍ଯ୍ୟଟକମାନଙ୍କୁ ଆକୃଷ୍ଟ କରିଥାଏ । ଏଠାରେ ଲୋକମାନେ ଅତିଥିମାନଙ୍କୁ ସ୍ୱାଗତ କରିଥାନ୍ତି । ଏଠାରେ ଥିବା ସଭ୍ୟତା ୭୦୦ବର୍ଷରୁ ଅଧିକ ପୁରୁଣା ବୋଲି କୁହାଯାଏ ।