ରେକର୍ଡ ସଂଖ୍ୟାରେ ମତାଧିକାର ସାବ୍ୟସ୍ତ କରିବାକୁ ଭୋଟରଙ୍କୁ ଅନୁରୋଧ କଲେ ପ୍ରଧାନମନ୍ତ୍ରୀ

ଡେସ୍କ: ଆଗାମୀ ଲୋକସଭା ନିର୍ବାଚନରେ ପ୍ରଥମ ଥର ପାଇଁ ଭୋଟରମାନେ ରେକର୍ଡ ସଂଖ୍ୟକ ସଂଖ୍ୟାରେ ମତାଧିକାର ସାବ୍ୟସ୍ତ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅନୁରୋଧ କରିଛନ୍ତି। ଆଜି ଆକାଶବାଣୀରେ ‘ମନ୍ କି ବାତ୍’ କାର୍ଯ୍ୟକ୍ରମରେ ଦେଶବାସୀଙ୍କୁ ସମ୍ବୋଧିତ କରି ଶ୍ରୀ ମୋଦୀ କହିଛନ୍ତି ଯେ ନିର୍ବାଚନ ପ୍ରକ୍ରିୟାରେ ଯୁବବର୍ଗ ଯେତେ ଅଧିକ ଅଂଶଗ୍ରହଣ କରିବେ, ଏହାର ଫଳାଫଳ ଦେଶ ପାଇଁ ସେତେ ଲାଭଦାୟକ ହେବ। ନିର୍ବାଚନ ଆୟୋଗ ‘ମେରା ପେହଲା ଭୋଟ୍ – ଦେଶ କେ ଲିଏ’ ଅଭିଯାନ ଆରମ୍ଭ କରିଥିବାରୁ ସେ ଖୁସି ବ୍ୟକ୍ତ କରିଛନ୍ତି। ଏହା ଜରିଆରେ ପ୍ରଥମ ଥର ପାଇଁ ଭୋଟରଙ୍କୁ ଅଧିକରୁ ଅଧିକ ସଂଖ୍ୟାରେ ଭୋଟ୍ ଦେବାକୁ ଅନୁରୋଧ କରାଯାଇଛି।

ଆପାର୍ଟମେଣ୍ଟରେ ଭୟାବହ ଅଗ୍ନିକାଣ୍ଡ: ଭାରତୀୟ ସାମ୍ୱାଦିକ ମୃତ

ଶ୍ରୀ ମୋଦୀ କହିଛନ୍ତି ଯେ ଉତ୍ସାହ ଏବଂ ଶକ୍ତିରେ ପରିପୂର୍ଣ୍ଣ ଯୁବପିଢ଼ିଙ୍କ ପାଇଁ ଭାରତ ଗର୍ବିତ। ସେ ଦର୍ଶାଇଛନ୍ତି ଯେ ୧୮ ବର୍ଷ ହେବା ପରେ ସେମାନେ ୧୮ତମ ଲୋକସଭା ପାଇଁ ସଦସ୍ୟ ଚୟନ କରିବାର ସୁଯୋଗ ପାଉଛନ୍ତି। ଅର୍ଥାତ୍ ୧୮ତମ ଲୋକସଭା ମଧ୍ୟ ଯୁବ ଆକାଂକ୍ଷାର ପ୍ରତୀକ ହେବ ବୋଲି ସେ କହିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଯୁବପିଢ଼ି କେବଳ ରାଜନୈତିକ କାର୍ଯ୍ୟକଳାପରେ ସାମିଲ ହେବା ଉଚିତ ନୁହେଁ, ବରଂ ଏହି ସମୟ ମଧ୍ୟରେ ହୋଇଥିବା ଆଲୋଚନା ଓ ବିତର୍କ ବିଷୟରେ ମଧ୍ୟ ସଚେତନ ରହିବା ଉଚିତ୍।

କୃଷକ ଆନ୍ଦୋଳନ ୨୯ ପର୍ଯ୍ୟନ୍ତ ସ୍ଥଗିତ

କ୍ରୀଡ଼ା, ଚଳଚ୍ଚିତ୍ର ଜଗତ, ସାହିତ୍ୟ ଓ ସୋସିଆଲ ମିଡିଆ ସମେତ ଦେଶର ପ୍ରଭାବଶାଳୀ ବ୍ୟକ୍ତିମାନଙ୍କୁ ଏହି ଅଭିଯାନରେ ସକ୍ରିୟ ଭାବରେ ଅଂଶଗ୍ରହଣ କରିବା ଏବଂ ପ୍ରଥମ ଥର ମତଦାତାଙ୍କୁ ଉତ୍ସାହିତ କରିବାକୁ ପ୍ରଧାନମନ୍ତ୍ରୀ ଆହ୍ୱାନ ଦେଇଛନ୍ତି।

ପାକିସ୍ତାନରେ ୨୦୨୪ ଆରମ୍ଭରୁ ୨୬ ଜଣଙ୍କୁ ହତ୍ୟା

ମୋଦି କହିଛନ୍ତି ଯେ ଦେଶରେ ଲୋକସଭା ନିର୍ବାଚନର ବାତାବରଣ ବ୍ୟାପକ ରହିଛି। ମାର୍ଚ୍ଚ ମାସରେ ଆଚରଣ ବିଧି ଲାଗୁ ହେବାର ସମ୍ଭାବନା ବିଷୟରେ ସେ କହିଥିଲେ। ଗତ ୧୧୦ଟି ଏପିସୋଡରେ କେବଳ ଦେଶର ସାମୂହିକ ଶକ୍ତି ବିଷୟରେ ଉଲ୍ଲେଖ କରାଯାଇଛି ଏବଂ ମନ୍ କି ବାତ୍ ପାଇଁ ଏହା ଏକ ବଡ଼ ସଫଳତା ବୋଲି ସେ କହିଛନ୍ତି। ମନ୍ କି ବାତ୍ ହେଉଛି ଲୋକଙ୍କ ପାଇଁ, ଲୋକଙ୍କ ମାଧ୍ୟମରେ ପ୍ରସ୍ତୁତ ଏକ କାର୍ଯ୍ୟକ୍ରମ ବୋଲି ସେ ଗୁରୁତ୍ୱାରୋପ କରିଥିଲେ।