ନୂଆଦିଲ୍ଲୀ : ଆମେରିକା ଭାରତକୁ ୩୧ ଏମକ୍ୟୁ-୯ବି ସଶସ୍ତ୍ର ଡ୍ରୋନର ବିକ୍ରି ପାଇଁ ଗତ ସପ୍ତାହରେ ମଞ୍ଜୁରି ଦେଇଥିଲା । ଭାରତୀୟ ନୌସେନା ପ୍ରମୁଖ ଆଡମିରଲ ଆର୍ ହରି କୁମାର ରବିବାର ସୂଚନା ଦେଇଛନ୍ତି କି ଡ୍ରୋନ୍ କିଣିବା ପାଇଁ ରକ୍ଷା ଅଧିଗ୍ରହଣ ପରିଷଦ(ଡିଏସି) ମଧ୍ୟ ମଞ୍ଜୁରି ଦେଇଦେଇଛି । ଆଗାମୀ କିଛି ମାସରେ ଏହି ଚୁକ୍ତିରେ ହସ୍ତାକ୍ଷର କରାଯିବା ଆଶା କରାଯାଉଛି ।
ସୂଚନା ଅନୁସାରେ ୩୧ରୁ ୧୫ସି-ଗାର୍ଡିୟନ ଡ୍ରୋନ୍ ନୌସେନାକୁ ମିଳିବ ଏବଂ ୮ଟି ସ୍ଥଳ ସେନା ଏବଂ ୮ଟି ବାୟୁ ସେନାକୁ ପ୍ରଦାନ କରାଯିବ । ପ୍ରାୟ ୪ ବିଲିୟନ୍ ଡଲାରରେ ଏହି ଚୁକ୍ତି ହେବା ନେଇ ଅନୁମାନ କରାଯାଉଛି ଏବଂ ଏଥିରେ ଅନ୍ୟ କିଛି ଅସ୍ତ୍ରଶସ୍ତ୍ର ଓ ଅନ୍ୟ ଉପକରଣ ସାମିଲ ହେବ । ଏହି ଡ୍ରୋନର ଚୁକ୍ତି ପରେ ଭାରତର ନୌସେନା ଅଧିକ ମଜଭୁତ ହେବ ଏବଂ ସେନାର କ୍ଷମତା ବୃଦ୍ଧି ପାଇବ ।
କହିରଖୁଛୁ ବିଶାଖାପଟନମରେ ଖୁବ ଶୀଘ୍ର ଭାରତୀୟ ନୌସେନାର ଯୁଦ୍ଧାଭାସ ହେବାକୁ ଯାଉଛି । ଏହି ଯୁଦ୍ଧାଭାସ ପାଇଁ ମଞ୍ଚ ପ୍ରସ୍ତୁତ ହୋଇସାରିଛି ଏବଂ ଏହା ବର୍ତ୍ତମାନ ପର୍ଯ୍ୟନ୍ତର ସବୁଠାରୁ ବଡ ବହୁପକ୍ଷୀୟ ନୌସେନା ଅଭ୍ୟାସ । ଏହି ଅବସରରେ ନୌସେନା ପ୍ରମୁଖ ଆଡମିରଲ ହରି କୁମାର କହିଛନ୍ତି କି ‘ମିଲନ ଅଭ୍ୟାସ ବାସ୍ତବରେ ଏପର୍ଯ୍ୟନ୍ତର ସବୁଠାରୁ ବଡ ନୌସୈନିକ ଅଭ୍ୟାସ ।’
