ବୌଦ୍ଧ: ବୌଦ୍ଧ ଆରଟିଓ ବସନ୍ତ କୁମାର ମହାପାତ୍ର ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଗିରଫ ହୋଇଛନ୍ତି। ଯାହାକୁ ନେଇ ଏବେ ସମଗ୍ର ଜିଲ୍ଲାରେ ଖୁସିର ମାହୋଲ ଦେଖିବାକୁ ମିଳିଛି। ଡ୍ରାଇଭରଙ୍କ ସମେତ ବିଭିନ୍ନ ସଂଗଠନ ପରିବହନ କାର୍ଯ୍ୟାଳୟ ଆଗରେ ବାଜା ବଜାଇ ଖୁସି ମନାଉଥିବା ଦେଖିବାକୁ ମିଳିଛି। ଗତ ଶୁକ୍ରବାର ଦିନ ଭିଜିଲାନ୍ସ ବିଭାଗ ଆରଟିଓ ବସନ୍ତ ମହାପାତ୍ରଙ୍କୁ ଗିରଫ କରିଛି। ତାଙ୍କ ନାଁ ରେ କୋଟି କୋଟି ଟଙ୍କାର ଆୟ ବର୍ହିଭୂତ ସମ୍ପତ୍ତି ଠାବ ହୋଇଛି। ଅନେକ ସଂଗଠନ ଆରଟିଓଙ୍କୁ ବଦଳି କରିବା ନେଇ ବହୁବାର ଜିଲ୍ଲାପାଳଙ୍କ ନିକଟରେ ଦାବି କରି ଆସୁଥିଲେ। କାରଣ ଫାଇନ୍ କାଟିବା ନାଁ ନେଇ ସେ ଗାଡି ଗୁଡିକରୁ ଲକ୍ଷ ଲକ୍ଷ ଟଙ୍କା ଆଦାୟ କରୁଥିଲେ। ଡ୍ରାିଭରଙ୍କଠାରୁ ଆରମ୍ଭ କରି ମାଲିକ ମାନଙ୍କୁ ମଧ୍ୟ ଶୋଷଣ କରୁଥିଲେ। ଭିଜିଲାନ୍ସ ଟିମ୍ ବସନ୍ତଙ୍କ ବାସଭବନ ସମେତ ୧୦ଟି ସ୍ଥାନରେ ଏକକାଳୀନ ଭାବେ ଚଢଉ କରଥିଲା। ଶେଷରେ ଭିଜିଲାନ୍ସ ବସନ୍ତଙ୍କୁ ଗିରଫ କରିଛି। ଯାହାକୁ ନେଇ ବୌଦ୍ଧ ଜିଲ୍ଳାରେ ଏଭଳି ନିଆରା ଦୃଶ୍ୟ ଦେଖିବାକୁ ମିଳିଛି।
Comments are closed.