ଓଟିଇଟି-୨୦୨୪ ପରୀକ୍ଷା ଫଳ ପ୍ରକାଶିତ

ଡେସ୍କ: ଓଡିଶା ଶିକ୍ଷକ ଯୋଗ୍ୟତା ପରୀକ୍ଷା (ଓଟିଇଟି-୨୦୨୪) ପରୀକ୍ଷା ଫଳ ଆଜି ପ୍ରକାଶ ପାଇଛି। ମାଧ୍ୟମିକ ଶିକ୍ଷା ପରିଷଦ ୱେବସାଇଟ ‘bseodisha.ac.in’ରେ ଫଳାଫଳ ଉପଲବ୍ଧ ହେଉଛି। ପରୀକ୍ଷା ଦେଇଥିବା ଛାତ୍ରଛାତ୍ରୀ ମାନେ ୱେବସାଇଟରେ ନିଜ ରୋଲ ନମ୍ବର ଓ ମୋବାଇଲ ନମ୍ବର ଏଣ୍ଟ୍ରି କରି ରେଜଲ୍ଟ ଦେଖିପାରିବେ। ଏଥି ସହିତ ବୋର୍ଡ ପକ୍ଷରୁ ସ୍କୋର କାର୍ଡ, ଓଏମଆର ସିଟ ଏବଂ ଡିଜିଟାଲ ସାର୍ଟିଫିକେଟ ମଧ୍ୟ ଦିଆଯାଇଛି। ଛାତ୍ରଛାତ୍ରୀ ମାନେ ଆବଶ୍ୟକ ତଥ୍ୟ ଦେଇ ୱେବସାଇଟରୁ ସେଗୁଡିକ ଡାଉନଲୋଡ଼ କରିପାରିବେ। ଆସନ୍ତା ୭ ଦିନ ଅର୍ଥାତ ନଭେମ୍ବର ୨୯ ତାରିଖ ପର୍ଯ୍ୟନ୍ତ ଏହା ୱେବସାଇଟରେ ଉପଲବ୍ଧ ହେବ ବୋଲି ଜଣାପଡିଛି।