ରେଙ୍ଗାଲି: ସମ୍ବଲପୁର-ରାଉରକେଲା ୧୦ ନମ୍ବର ରାଜ୍ୟରଜପଥର ଠେଲକୋଲୋଇ ପାଖରେ ଆଜି ଏକ ସଡକ ଦୁର୍ଘଟଣା ରେ ଝାରସୁଗୁଡା ମଙ୍ଗଳବାର ସଲିମ ଖାନ୍ (୫୨)ନାମକ ଜନୈକ ସାଇକେଲ ଆରୋହୀର ଶୋଚନୀୟ ମୃତ୍ୟୁ ଘଟିଛି। ଦୁର୍ଘଟଣା ଠେଲକୋଲୋଇ ପାଖରେ ଘଟି ଥିବା ବେଳେ ମୃତ ଦେହ ପଣ୍ଡଲୋଇ ସ୍ଥିତ ଶ୍ୟାମ୍ ମେଟାଲିକ୍ସ କାରଖାନା ପାଖରେ ପଡିଥିବା ବେଳେ ପୁଲିସ ଉଦ୍ଧାର କରିଛି। ମୃତକର ସାଇକେଲ ଠେଲକୋଲୋଇ ପାଖ ଦୁର୍ଘଟଣା ସ୍ଥଳରେ ପଡିଛି।
କିଛି ପ୍ରତ୍ୟକ୍ଷ ଦର୍ଶୀ କହିବା ଅନୁଯାୟୀ ଏକ ଘରୋଇ ବସ୍ ସଲିମକୁ ଧକ୍କା ଦେବା ଫଳରେ ସେ ମୃତ୍ୟୁବରଣ କରିଥିଲା। ମୃତ ଦେହ ବସରେ ଲଟକି ରହି ଘଟଣାସ୍ଥଳ ରୁ ଘୋଷାଡି ହୋଇ ଶ୍ୟାମ ମେଟାଲିକ୍ସ ପାଖରେ ବସ୍ ବ୍ରେକ୍ ମାରିଲା ବେଳକୁ ସଲିମ୍ ର ମୃତ ଦେହ ରାସ୍ତା ରେ ପଡିଥିବା କୁହାଯାଉଛି। ଖବର ପାଇ ରେଙ୍ଗାଲି ପୁଲିସ ଘଟଣାସ୍ଥଳକୁ ପହଞ୍ଚି ମୃତଦେହ ଜବତ କରି ପଞ୍ଚନାମା ପରେ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଜାରି ରଖିଥିବାର ପ୍ରକାଶ।
Comments are closed.