ଭୁବନେଶ୍ବର: ରାଜ୍ୟ ପର୍ଯ୍ୟଟନ ବିଭାଗ ଏବଂ ଇଣ୍ଡିଆନ ରେଲୱେ କ୍ୟାଟରିଂ ଆଣ୍ଡ୍ ଟୁରିଜିମ କର୍ପୋରେସନ(ଆଇଆରସିଟିସି)ସହଯୋଗରେ ଗୁରୁବାର ତୀର୍ଥଯାତ୍ରାରେ ଯିବେ ବରିଷ୍ଠ ନାଗରିକ। କଟକ, ପୁରୀ, ଖୋର୍ଦ୍ଧା, କେନ୍ଦ୍ରାପଡା, ଜଗତସିଂହପୁର ଓ ଢେଙ୍କାନାଳ ଜିଲାର ୯୬୦ ବରିଷ୍ଠ ନାଗରିକ ଓ ୪୦ ଏସକର୍ଟ ଅଧିକାରୀଙ୍କୁ ନେଇ ତିରୁପତି ଭେଲୁର ଅଭିମୁଖେ ଯାତ୍ରା କରିବ। ଭୁବନେଶ୍ବର ଷ୍ଟେସନରୁ ସେମାନଙ୍କ ଯାତ୍ରା ଆରମ୍ଭ ହୋଇ ଆସନ୍ତା ୧୩ ତାରିଖରେ ଶେଷ ହେବ। ଏନେଇ ସେମାନଙ୍କ ଯାତ୍ରା ପାଇଁ ପର୍ଯ୍ୟଟନ ବିଭାଗ, ଜିଲାପ୍ରଶାସନ ଓ ପୁଲିସ ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଶେଷ ହୋଇଛି। ଏହି ଭ୍ରମଣରେ ପର୍ଯ୍ୟଟନ ବିଭାଗ ପକ୍ଷରୁ ୬୦ ବର୍ଷରୁ ଅଧିକ ୭୫ବର୍ଷରୁ କମ ବୟସ୍କ ବରିଷ୍ଠ ନାଗରିକଙ୍କୁ ସାମିଲ କରାଯାଇଛି। ୨୦୨୩-୨୪ର ଆର୍ଥିକ ବର୍ଷରେ ନଭେମ୍ବର ୨୩ରେ ଭୁବନେଶ୍ବର ଷ୍ଟେସନରୁ ପ୍ରଥମ କରି ବରିଷ୍ଠ ନାଗରିକ ହରିଦ୍ବାର ଓ ଋଷିକେଶ ଭ୍ରମଣରେ ଯାଇଥିଲେ। ଏଥର ଦ୍ବିତୀୟ ପର୍ଯ୍ୟାୟରେ ତିରୁପତି ଭେଲୁର ଅଭିମୁଖେ ଯାତ୍ରା କରାଯିବ।
Comments are closed.