ପାଟଣା : ପାଟଣା ବ୍ଲକ ମୁଖ୍ୟାଳୟ ବଜାର ଅଞ୍ଚଳରେ କାଳୀପୂଜା କମିଟି ପକ୍ଷରୁ ୬ ଦିନିଆ ୫୬ ତମ ବାର୍ଷିକ କାଳୀପୂଜା ମହୋତ୍ସବ ଆଜି ଭସାଣି ସହ ଉଦଯାପିତ ହୋଇଛି। ଶେଷ ସନ୍ଧ୍ୟାରେ ଅନୁଷ୍ଠିତ ସାଂସ୍କୃତିକ ଓ ସମ୍ବର୍ଦ୍ଧନା ସଭା କମିଟିର ସଭାପତି ବୁଲୁ ଭଞ୍ଜଙ୍କ ଅଧ୍ୟକ୍ଷତାରେ ଓ ପାର୍ଥସାରଥୀ ବେଜ ଏବଂ ଅବିନାଶ ଦାଶଙ୍କ ସଂଯୋଜନାରେ କାର୍ଯକ୍ରମ ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ଭାବେ ପୂର୍ବତନ ପାଟଣା ବ୍ଲକ ଅଧ୍ୟକ୍ଷ ତଥା ସମାଜସେବୀ ଇଂ ବିଦ୍ୟାଧର ଦାଶ, ମୁଖ୍ୟବକ୍ତା ଭାବେ ବରିଷ୍ଠ ସାମ୍ବାଦିକ ନୃସିଂହ ନାଥ ସିଂହ, ସମ୍ମାନୀତ ଅତିଥି ଭାବେ ସମାଜ ସେବୀ ଅଜୟ କୁମାର ଦାଶ, ଅନୁଷ୍ଠାନର ସମ୍ପାଦକ ଅଜିତ୍ ବେହେରା ଓ ଅଜୟ ଦାସ ପ୍ରମୁଖ ଯୋଗଦେଇ ଉପସ୍ଥିତ ଜନତାଙ୍କୁ ସମ୍ବୋଧିତ କରିବା ସହ କମିଟିର ବରିଷ୍ଠ ସଦସ୍ୟ ମାନଙ୍କୁ ପୁଷ୍ପ ଗୁଛ ଓ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧିତ କରିଥିଲେ। ସାଧାରଣ ସଭା ଶେଷରେ ସାଲେପୁରର ମଣି ମେଲୋଡି ଦ୍ୱାରା ସୁମଧୁର ଭଜନ ଓ ଆଧୁନିକ ନୃତ୍ୟ ସଙ୍ଗୀତ ପରିବେଷଣ କରାଯାଇଥିଲା।
Popular Categories
Previous article
Next article