ମୁମ୍ବାଇ: ବକ୍ସ ଅଫିସରେ ଦକ୍ଷିଣ ଭାରତୀୟ ଚଳଚ୍ଚିତ୍ର ଗୁଡିକ ସଫଳତା ହାସଲ କରିବାରେ ଲାଗିଛି। ଅନେକ ବଡ ବଡ ଦକ୍ଷିଣ ଭାରତୀୟ ଫିଲ୍ମ ଗୁଡିକ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା ସେଥିମଧ୍ୟରୁ କିଛି ଉତ୍ତେଜନା ସୃଷ୍ଟି କରିଥିଲେ ବି ଦର୍ଶକ ମାନେ ଅଧିକ ଭଲ ପାଇବା ଦେଇଥିଲେ। ବର୍ତ୍ତମାନ ଆଉ ଏକ ଦକ୍ଷିଣ ଭାରତୀୟ ଚଳଚ୍ଚିତ୍ର ପ୍ରେକ୍ଷାଳୟରେ ହଇଚଇ ସୃଷ୍ଟି କରିବାକୁ ଯାଉଛି। ନିକଟରେ ୬୩ବଷୀୟ ସୁପରଷ୍ଟାରଙ୍କ ଆଗାମୀ ଚଳଚ୍ଚିତ୍ରର ଟ୍ରେଲର ରିଲିଜ ହୋଇଥିଲା। ଯାହାକୁ ଦେଖିବା ପରେ ଦର୍ଶକ ମାନେ କହିଛନ୍ତି ଯେ ଫିଲ୍ମର ଟ୍ରେଲର ଯଦି ଏଭଳି ତେବେ ଫିଲ୍ମଟି କ’ଣ ହୋଇଥିବ।
ସାଉଥ ସୁପରଷ୍ଟାର ମୋହନଲାଲଙ୍କ ଆଗାମି ଫିଲ୍ମ ‘ମଲାଇକୋଟାଇ ଭାଲିବାନ୍’ ଜାନୁଆରୀ ୨୫ରେ ମୁକ୍ତିଲାଭ କରିବାକୁ ଯାଉଛି। ନିକଟରେ ଟ୍ରେଲର ରିଲିଜ ହୋଇଥିବାରୁ ଦର୍ଶକ ମାନେ ଏହାକୁ ଦେଖିବା ପରେ ପୁରା ସିନେମା ଦେଖିବା ପାଇଁ ଖୁବ ଏକ୍ସସାଇଟେଡ ଅଛନ୍ତି। ଫିଲ୍ମରେ ଅନେକ ଜବରଦସ୍ତ ଏବଂ ଆକର୍ଷଣୀୟ ଆକ୍ସନ୍ ଦୃଶ୍ୟ ରହିଛି, ଯାହା ଦର୍ଶକଙ୍କ ଦୃଷ୍ଟି ଆକର୍ଷଣ କରିଛି । ଲିଜୋ ଜୋସେ ପେଲିସେରିଙ୍କ ନିର୍ଦ୍ଦେଶିତ ଏହି ଫିଲ୍ମରେ ମୋହନଲାଲଙ୍କ ବ୍ୟତୀତ ସୋନାଲି କୁଲକର୍ଣ୍ଣି, କଥା ନନ୍ଦୀ ଏବଂ ଡେନିଶ୍ ସାଇଟ ଭଳି ଅଭିନେତାମାନେ ମଧ୍ୟ ନଜର ଆସିବେ।
