ଦେଖନ୍ତୁ ଭିଡିଓ: ଦାରିଦ୍ର୍ୟ ପାଇଁ ବାଜି ଲାଗିଲା ଜୀବନ, ଟ୍ରେନ ବଗି ତଳେ ଶୋଇ ୨୫୦ କିମି ଯାତ୍ରା କଲେ ଯୁବକ

ସମାଜ ଡିଜିଟାଲ ଡେସ୍କ: ଦାରିଦ୍ର୍ୟ ମଣିଷକୁ କିପରି ନିଜ ଜୀବନ ସହିତ ସାଲିସ କରିବାକୁ ବାଧ୍ୟ କରେ ତାହାର ଏକ ଜ୍ବଳନ୍ତ ଉଦାହରଣ ଦେଖିବାକୁ ମିଳିଛି ଜବଲପୁର ଷ୍ଟେସନ ନିକଟରେ। ଟିକେଟ କରିବାକୁ ଅର୍ଥ ନ ଥିବାରୁ ଜଣେ ଯୁବକ ଟ୍ରେନ ବଗି ତଳେ ଶୋଇ ରହି ବିପଦପୂର୍ଣ୍ଣ ଅବସ୍ଥାରେ ଯାତ୍ରା କରିଛନ୍ତି। ତାହା ପୁଣି ଦୀର୍ଘ ୨୫୦ କିଲୋମିଟର।

ଗତ ୨୪ ତାରିଖ ଦିନ ଇତାରସି-ଜବଲପୁର ଦାନପୁର ଏକ୍ସପ୍ରେସ ଜବଲପୁର ଷ୍ଟେସନରେ ପହଞ୍ଚିଥିଲା। ଟ୍ରେନ ଧୀରେ ଧୀରେ ଯାଉଥିବା ସମୟରେ ରେଳ କର୍ମଚାରୀ ଟ୍ରେନର ନିୟମିତ ତଦାରଖ କରିଥିଲେ। ଏହି ସମୟରେ ଏକ ବଗି ତଳେ ଚକକୁ ଲାଗି ଜଣେ ଯୁବକ ଶୋଇଥିବା ଦେଖିବାକୁ ପାଇଥିଲେ। ଏହା ପରେ ସେ ତୁରନ୍ତ ଲୋକ ପାଇଲଟଙ୍କୁ ଟ୍ରେନ ଅଟକାଇବାକୁ କହିଥିଲେ। ଟ୍ରେନ ଅଟକିବା ପରେ ଉକ୍ତ ଯୁବକଙ୍କୁ ବାହାରକୁ ଆସିବାକୁ ରେଳ କର୍ମଚାରୀ ଜଣକ  କହିଥିଲେ।

ଏପରି ବିପଦପୂର୍ଣ୍ଣ ଅବସ୍ଥାରେ କାହିଁକି ଯାତ୍ରା କରୁଛ ବୋଲି ପଚରାଯିବାରୁ ଯୁବକ ଜଣକ କହିଥିଲେ ଯେ, ଟିକେଟ ପାଇଁ ଟଙ୍କା ନ ଥିବାରୁ ସେ ବାଧ୍ୟହୋଇ ଏପରି ଯାତ୍ରା କରିଥିଲେ। ତେବେ ତାଙ୍କର ମାନସିକ ସ୍ଥିତି ଭଲ ନ ଥିବା ଆରପିଏଫ ପକ୍ଷରୁ କୁହାଯାଇଛି। ଯୁବକଙ୍କ ଟ୍ରେନ ଯାତ୍ରାର ଏକ ଭିଡିଓ ଏବେ ସାମାଜିକ ଗଣମାଧ୍ୟମରେ ପ୍ରଘଟ ହୋଇଛି। ଯାହାକୁ ଦେଖି ଅନେକ ଲୋକ ଆଶ୍ଚର୍ଯ୍ୟ ପ୍ରକାଶ କରିଛନ୍ତି।

जान जोखिम में डालक शख्स कर रहा था ट्रेन का सफर,युवक के खतरनाक और जानलेवा सफर का वीडियो आया सामने,बोगी के नीचे बनी ट्रॉली में छुपकर युवक ने तय किया 250 किलोमीटर का सफर,ट्रेन नं.12149,#railmin #wcr #jabalpur #AshwiniVaishnaw pic.twitter.com/pnoDgyFi0X

— Journalist Rajesh Vishwakarma (@rajeshjbp63101) December 26, 2024