ଧାମରା: ଆଜି ସନ୍ଧ୍ୟାରେ ଲାଉଡି ରିସର୍ଚ ସେଂଟର ଏବଂ ମାଧାମରାଇ ମତ୍ସ୍ୟଜିବୀ ସଂଘ ତରଫରୁ ପ୍ରାୟୋଜିତ କାର୍ଯ୍ୟକ୍ରମ ଧାମରା ମହୋତ୍ସବ ଶେଷ ଦିନ ଥିଲା। ଆଜି ମୁଖ୍ୟ ଅତିଥି ଭାବେ ଧାମରା ଜୋନର ଜିଲ୍ଲା ପରିଷଦ ବଳଭଦ୍ର ଲେଙ୍କା, ମୁଖ୍ୟବକ୍ତା ଭାବେ ସମାଜସେବୀ ନରହରି ମଲିକ ପ୍ରମୁଖ ମଂଚାସୀନ ଥିଲେ। ମଂଚାସୀନ ସମସ୍ତ ବ୍ୟକ୍ତି ବିଶେଷ ନିଜ ନିଜର ବକ୍ତବ୍ୟରେ ଆଗାମୀ ଦିନରେ ଧାମରା ମହୋତ୍ସବକୁ ବଂଚାଇ ରଖିବାକୁ ସମସ୍ତେ ବଦ୍ଧ ପରିକର ଏବଂ ଏହି କଳା ବଂଚିଲେ ଧାମରାର ନାଁ ଉଜ୍ୱିବୀତ ହୋଇ ରହି ପାରିବ ବୋଲି ମଧ୍ୟ ମତ ପ୍ରକାଶ ପାଇଥିଲା। ଆଜିର ଦର୍ଶକଙ୍କୁ ଓଡିଶୀ ନୃତ୍ୟ କଳାକାର ତଥା ଓଡିଶୀ ଗୁରୁ ସନାତନ ନାୟକ, ବିଜୟ କୁମାର ଏବଂ ଶଚିକାନ୍ତ ପ୍ରଧାନଙ୍କ ଦ୍ୱାରା ମନୋରଞନ କରାଯାଇଥିବା ବେଳେ ଗାନ୍ଧି ନାଟକକୁ ତରଙ୍ଗ ଥିଏଟର ଦ୍ୱାରା ପ୍ରଦର୍ଶନ କରାଯାଇଥିଲା। ଦୃଷ୍ଟି ଦିବ୍ୟାଙ୍ଗିନୀ ଦେହୁରୀ ଦିବ୍ୟାଙ୍ଗନା ହୋଇଥିବା ବେଳେ ତାଙ୍କ ଦ୍ୱାରା ଓଡିଶୀ ଏବଂ ସେମି କ୍ଲାସିକାଲ ନୃତ୍ୟ ମଧ୍ୟ ପ୍ରଦର୍ଶନ କରାଯାଇଥିଲା। ଶେଷରେ ବାହାନଗାର କଳାକାର ଖୁଜରେଶ୍ୱର ଏବଂ ଗ୍ରୁପ ଦ୍ୱାରା ଫକ ଡ୍ୟାନ୍ସ ମଧ୍ୟ ପଦର୍ଶନ କରାଯାଇଥିଲା।
Comments are closed.