ନବରଙ୍ଗପୁର: ଜିଲାସ୍ତରୀୟ କ୍ରୀଡା ମହୋତ୍ସବ – ୨୦୨୪ ନୂଆ-ଓ ଯୁବ ଓଡିଶା ନବୀନ ଓଡିଶା ଆନୁଷ୍ଠାନିକ ଭାବେ ନବରଙ୍ଗପୁର ମହାବିଦ୍ୟାଳୟର ଖେଳ ପଡିଆ ଠାରେ ଉଦଘାଟିତ ହୋଇଛି। ଏହା ଆସନ୍ତା ୧୮ ତାରିଖ ପର୍ଯ୍ୟନ୍ତ ଚାଲିବ। ଜିଲାପାଳ ଡଃ. କମଳ ଲୋଚନ ମିଶ୍ର କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦଘାଟନ କରିବା ସହିତ ଏହି କାର୍ଯ୍ୟକ୍ରମ ଦ୍ଵାରା ଜିଲାର ଯୁବପିଢ଼ିଙ୍କର ନିଜ ଭିତରେ ଥିବା ଆତ୍ମବିଶ୍ୱାସ ଓ ପ୍ରତିଭାର ବିକାଶ ହେବାର ସହାୟକ ହେବ ବୋଲି ଆଶା ପ୍ରକାଶ କରିଥିଲେ। କାର୍ଯ୍ୟକ୍ରମର ମୁଖ୍ୟ ଅତିଥି ଜିଲା ଯୋଜନା କମିଟିର ଅଧ୍ୟକ୍ଷ ତଥା ବିଧାୟକ, ଡାବୁଗାଁ ମନୋହର ରନ୍ଧାରୀ ଯୋଗ ଦେଇ ଓଡ଼ିଶାର ଯୁବପିଢ଼ିଙ୍କ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏହି ମହାନ କାର୍ଯ୍ୟକ୍ରମ ଅତୁଳନୀୟ ବୋଲି ବର୍ଣ୍ଣନା କରିଥିଲେ। ଏହି ଅବସରରେ ନବରଙ୍ଗପୁର ଜିଲାର ତାରାଗାଁ ଖେଳ ପଡିଆରେ ହକି, ନବରଙ୍ଗପୁର ମହାବିଦ୍ୟାଳୟର ଖେଳ ପଡିଆରେ ଫୁଟବଲ ଏବଂ କ୍ରିକେଟ, ରାଜା ଚୈତନ୍ୟ ଦେବ ନୋଡାଲ ଖେଳ ପଡିଆ ଠାରେ ଖୋ ଖୋ ପ୍ରଭୁତି କ୍ରୀଡା ପ୍ରତିଯୋଗିତାର ଆୟୋଜନ କରାଯାଇଛି।
Comments are closed.