ଇମ୍ଫାଲ: ମଣିପୁରରେ ହିଂସା ଥମିବାର ନାଁ ଧରୁନି । ମଣିପୁର ବିଷ୍ଣୁପୁର ଜିଲ୍ଲାରେ କୁମ୍ବି ଓ ଥୋବାଲ ଜିଲ୍ଲାର ୱାଙ୍ଗୁ ମଧ୍ୟରେ ଗୁଳିକାଣ୍ଡ ଘଟିଛି। ୪ ଜଣ ବ୍ୟକ୍ତି ଫସଲ ଅମଳ କରିବାକୁ ଯାଇଥିବାବେଳେ ୬ ରାଉଣ୍ଡ ଗୁଳିମାଡ ହୋଇଛି। ଏଥିରେ ୪ଜଣ ବ୍ୟକ୍ତି ନିଖୋଜ ରହିଛନ୍ତି। ଏହି ୪ ବ୍ୟକ୍ତି ଓଇନାମ ରୋମିନ୍ ମୈତେଇ, ଅହନ୍ଥେମ୍ ଦାରା ମୈତେଇ, ଥୋଡାମ୍ ଇବୋମ୍ଚା ମୈତେଇ ଏବଂ ଥୋଦାମ ଆନନ୍ଦ ମୈତେଇ ବୋଲି ଜଣାପଡିଛି। ଘଟଣାକୁ ନେଇ ଥାନାରେ ମାମଲା ରୁଜ୍ଜୁ ହୋଇଥିବାବେଳେ ପୋଲିସ ଅଧିକ ଛାନଭିନ୍ ଜାରି ରଖିଛି।
ତେବେ ଜାନୁଆରୀ ୧ ତାରିଖରେ ମଧ୍ୟ ଥୋବାଲ ଅଞ୍ଚଳରେ ସ୍ଥାନୀୟ ଲୋକ ଏବଂ କିଛି ଦୁର୍ବୁତ୍ତଙ୍କ ମଧ୍ୟରେ ସଂଘର୍ଷ ଘଟିଥିଲା। ଏଥିରେ ୪ ଜଣଙ୍କ ମୃତ୍ୟୁ ଘଟିଥିଲା। ଗତବର୍ଷ ମେ ମାସରୁ ମୈତେୟୀ ଏବଂ କୁକି ସମ୍ପ୍ରଦାୟ ମଧ୍ୟରେ ସଂଘର୍ଷ ଘଟି ୧୮୦ ଜଣଙ୍କ ମୃତ୍ୟୁ ଘଟିବା ପରଠାରୁ କ୍ରମାଗତ ଭାବେ ମଣିପୁରରେ କିଛି ନା କିଛି ହିଂସାକାଣ୍ଡ ଘଟଣା ସାମ୍ନାକୁ ଆସୁଛି।
Comments are closed.