କେଶଦୁରାପାଳ: ଅଯୋଧ୍ୟାରେ ୨୨/୦୧/୨୦୨୪ ରେ ଅନୁଷ୍ଠିତ ହେବାକୁ ଥିବା ମର୍ଯ୍ୟାଦା ପୁରୁଷ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ନିମନ୍ତେ ନିମନ୍ତ୍ରଣ ପତ୍ର ବିତରଣ ଅଭିଯାନ ଆରମ୍ଭ ହୋଇଛି। ଏହି ପରିପ୍ରେକ୍ଷୀରେ ଘଷିପୁରା ବ୍ଲକ ସାଇଁକୁଳର ଶ୍ରୀ ଶ୍ରୀ ଗୋପୀନାଥଜୀଉ ମନ୍ଦିର ପ୍ରାଙ୍ଗଣରେ ଡଃ ସନତ୍ କୁମାର ରଥଙ୍କ ସଂଯୋଜନାରେ ନିମନ୍ତ୍ରଣ ପତ୍ର ବଣ୍ଟନର ଶୁଭାରମ୍ଭ ହୋଇଯାଇଛି। ଏହି ବୈଠକରେ ଅଯୋଧ୍ୟାରୁ ଆସିଥିବା ଅକ୍ଷତ ଓ ନିମନ୍ତ୍ରଣ ପତ୍ର ବିତରଣ କାର୍ଯ୍ୟକ୍ରମ ପ୍ରାରମ୍ଭରେ ପ୍ରଶାନ୍ତ ଚକ୍ରଙ୍କ ଦ୍ବାରା କଳସ ପୂଜନ ହୋଇଥିବା ବେଳେ ଗଣେଶ୍ବର ସାହୁ, ପ୍ରଦୀପ କୁମାର ଚକ୍ର, ଜନାର୍ଦନ ସେଠୀ ଓ କରସେବକ ପ୍ରଶାନ୍ତ ଚକ୍ର ନିଜର ଅନୁଭବ ବ୍ୟକ୍ତ ପୂର୍ବକ ଉପସ୍ଥିତ ଶ୍ରୀରାମ ଭକ୍ତମାନଙ୍କୁ ମାର୍ଗଦର୍ଶନ କରିଥିଲେ। କାର୍ଯ୍ୟକ୍ରମରେ ଘସିପୁରା ବ୍ଲକର ୨୦ଟି ପଞ୍ଚାୟତର କାର୍ଯ୍ୟକର୍ତ୍ତା ଗୋପାଳ ଚନ୍ଦ୍ର ପରିଡ଼ା, ମୋହନ ଚକ୍ର, ସୁରେଶ ଚକ୍ର, ଗୌରାଙ୍ଗ ବେହେରା,ଶ୍ରୀଧର ମହାନ୍ତ, ଅଜୟ ବାରିକ୍, କାଠିଆ ବିନ୍ଧାଣୀ, ମାନସ ରଞ୍ଜନ ସା ପ୍ରମୁଖ ଉପସ୍ଥିତ ରହି ଅକ୍ଷତ ଓ ନିମନ୍ତ୍ରଣ ପତ୍ର ଗ୍ରହଣ କରି ନିଜ ନିଜ ପଞ୍ଚାୟତର ଦାୟିତ୍ୱ ଗ୍ରହଣ କରିଥିଲେ।
Comments are closed.