ହାଇଦ୍ରାବାଦ: ପୁଲିସ ଚଢ଼ଉ ବେଳେ ତେଲେଙ୍ଗାନାର ଜଣେ ନେତା ଆତ୍ମହତ୍ୟା ଉଦ୍ୟମ କରିଛନ୍ତି। ପିପୁଲ୍ସ ଫ୍ରଣ୍ଟର ନେତା ଭି ପ୍ରତାପ ରେଡ୍ଡୀ ତେଲେଙ୍ଗାନାର ଗଜୱେଲ୍ ନିର୍ବାଚନ ମଣ୍ଡଳୀରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି। ତାଙ୍କ ବିପକ୍ଷରେ ଲଢ଼ୁଛନ୍ତି ଟିଆରଏସ୍ ନେତା କେ ଚନ୍ଦ୍ରଶେଖର ରାଓ।
ପ୍ରତାପଙ୍କ ଘରକୁ ବହୁ ପରିମାଣର ମଦ ଓ ନଗଦ ଟଙ୍କା ଯାଉଥିବା ପୁଲିସ ସୂଚନା ପାଇବା ପରେ ଫ୍ଲାଇଂ ସ୍କ୍ୱାଡ୍କୁ ଚଢ଼ଉ ପାଇଁ ନିର୍ଦେଶ ଦେଇଥିଲା। ଏହି ସମୟରେ ପ୍ରତାପଙ୍କ ସମର୍ଥକମାନେ ଫ୍ଲାଇଂ ସ୍କ୍ୱାଡ୍କୁ ପ୍ରତିରୋଧ କରିଥିଲେ। ଏହାପରେ ପ୍ରତାପ ନିଜ ଉପରେ ପେଟ୍ରୋଲ୍ ଢାଳି ଆତ୍ମହତ୍ୟା ଉଦ୍ୟମ କରିଥିବା ପୁଲିସ କହିଛି। ଅପରପକ୍ଷରେ ପୁଲିସ ତାଙ୍କୁ ମାରିବାକୁ ଯୋଜନା କରିଥିବା ପ୍ରତାପ ପାଲଟା ଅଭିଯୋଗ ଆଣିଛନ୍ତି। ପ୍ରତାପ କହିଛନ୍ତି ଯେ ଚଢ଼ଉ ବେଳେ ଘରୁ କିଛି ନ ବାହାରିବାରୁ ପୁଲିସ ଏଭଳି କାଣ୍ଡ କରିଥିଲା। ଏ ସଂକ୍ରାନ୍ତରେ ସେ ନିର୍ବାଚନ ଅଧିକାରୀଙ୍କୁ ଅଭିଯୋଗ କରିବା ସହିତ କାର୍ଯ୍ୟାଳୟ ଆଗରେ ଧାରଣା ଦେଇଥିଲେ। ତାଙ୍କୁ ପୁଲିସ ସେଠାରୁ ଉଠାଇ ଡାକ୍ତରଖାନାରେ ଭର୍ତ୍ତି କରିଛି। ଅପରପକ୍ଷରେ ଫ୍ଲାଇଂ ସ୍କ୍ୱାଡ୍ ଯଦି ଅଭିଯୋଗ କରନ୍ତି ତେବେ ପ୍ରତାପଙ୍କ ନାମରେ ମାମଲା ରୁଜୁ ହେବ ବୋଲି ପୁଲିସ କହିଛି।
ପୁଲିସ ଚଢ଼ଉ ବେଳେ ନେତାଙ୍କ ଆତ୍ମହତ୍ୟା ଉଦ୍ୟମ
Popular Categories
Previous article
Next article