ଧାମରା: ବାଂଶଡା ଥାନା ଅଧିନସ୍ଥ ତୋଟାପଡା ଠାରେ ଦିନକୁ ଦିନ ଜନ ଗହଳି ବଢୁଥିବା ବେଳେ ଜବରଦଖଲକାରୀଙ୍କ ସଂଖ୍ୟା ମଧ୍ୟ ଆଶାତୀତ ଭାବେ ବୃଦ୍ଧି ପାଇଥିଲା। ଫଳରେ ସାଧାରଣ ଜନତା ଦିନକୁ ଦିନ ଯାତାୟତ କରିବାରେ ବହୁ ଅସୁବିଧାର ସମ୍ମୁଖୀନ ହେବା ସହ ଦୈନଦିନ ଏହି ରାସ୍ତାରେ ୨ଚକିଆ ଯାନ ଠାରୁ ଆରମ୍ଭ କରି ୪ଚକିଆ ଯାନ ମଧ୍ୟ ଯାତାୟତ କରି ପାରୁ ନଥିଲା। ଆଜି ଚାନ୍ଦବାଲି ତହସିଲଦାର ସୁଶାନ୍ତଙ୍କ ସୂତାରଙ୍କ ନେତୃତ୍ୱରେ ଏହି ରାସ୍ତା ମାପଚୁପ ହେବା ସହ ଜବରଦଖଲକାରୀ ମାନଙ୍କୁ ଏହି ରାସ୍ତାରୁ ହଟାଯାଇଥିଲା। ତୋଟାପଡା ଛକ ଠାରୁ ବିପ୍ଳବୀ ବୀର ଚକ୍ରଧର ହାଇସ୍କୁଲ ଏବଂ ହନୁମାନ ବାଟିକା ଠାରୁ ଆରମ୍ଭ କରି ହରିଚନ୍ଦନପୁର ଛକ ପର୍ଯ୍ୟନ୍ତ ଥିବା ସମସ୍ତ ଜବରଦଖଲକାରୀ ମାନଙ୍କୁ ହଟାଯାଇଥିଲା।
ପୂର୍ବରୁ ଏହି ରାସ୍ତା ସଙ୍କୁଚିତ ହୋଇ ୧୨ଫୁଟ ଓସାର ଥିବା ବେଳେ ଜବରଦଖଲ କାରୀଙ୍କୁ ହଟାଯିବା ପରେ ଏହି ରାସ୍ତାର ଓସାର ୨୫ଫୁଟକୁ ବୃଦ୍ଧି ପାଇଛି। ଆଜି ଏହି ରାସ୍ତା ସଂପ୍ରସାରଣ ଏବଂ ଜବରଦଖଲ ଉଚ୍ଛେଦରେ ୩୦ଜଣ ଦୋକନୀ ୫୦ଟି ଘରର ସୀମା ଏବଂ ପକ୍କା କାନ୍ଥ ମଧ୍ୟ ଏହି ଜବରଦଖଲ ମଧ୍ୟରେ ଉଚ୍ଛେଦ ହୋଇଥିବା ଜଣାଯାଇଛି।
ଆଜିର ଏହି ଜବରଦଖଲ ଉଚ୍ଛେଦ ସମୟରେ ଚାନ୍ଦବାଲି ତହସିଲଦାର ସୁଶାନ୍ତ ସୂତାର ସୁପରଭାଇଜର ଦାଶରଥି ଦାସ, କମଳାକାନ୍ତ ଦାସ, ଅମିନ ରତିରଞନ ପାଣିଗ୍ରାହୀ, ଘଣ୍ଟେଶ୍ୱର ଆରଆଇ ଦୈତାରୀ ମୁଣ୍ଡା ପ୍ରମୁଖ ଉପସ୍ଥିତ ଥିଲେ।
Comments are closed.