ମାଲବାହି ରେଳ ଧାରଣାରେ ଚାପି ହୋଇ ଯୁବକଙ୍କ ମୃତ୍ୟୁ

କଲ୍ୟାଣସିଂହପୁର: ରାୟଗଡା ଜିଲା କୋଲନରା ବ୍ଲକ ଥେରୁବାଲି ରେଳ ଷ୍ଟେସନ ୧ ନମ୍ବର ପ୍ଲାଟଫୋର୍ମ ରେଳ ଧାରଣାରେ ମାଲବାହି ଟ୍ରେନରେ ଚାପି ହୋଇ ଜଣେ ଯୁବକଙ୍କ ମୃତ୍ୟୁ ହୋଇଛି। କ୍ଷତବିକ୍ଷତ ଅବସ୍ଥାରେ ରେଳ ଧାରଣାରୁ ସମ୍ପୃକ୍ତ ଯୁବକଙ୍କ ମୃତଦେହ ଉଦ୍ଧାର କରାଯାଇଥିବା ଜଣାପଡ଼ିଛି। ମୃତକଙ୍କ ପରିଚୟ ମିଳିଛି ଏବଂ ସେ କେଲୁଗୁଡା ପଞ୍ଚାୟତ ପୂଜାରୀଗୁଡା ଗ୍ରାମର ମୋହନ ପେରିସିକା(୨୫) ବୋଲି ଜଣା ପଡ଼ିଛି। ବର୍ତ୍ତମାନ ସୁଦ୍ଧା ମୃତ୍ୟୁର କାରଣ ଜଣା ପଡି ନ ଥିବା ବେଳେ ରେଳ ବିଭାଗ ପୁଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।

ସୂଚନା ଅନୁଯାୟୀ ମୋହନ ପେରିସିକା ଚେନ୍ନାଇରେ ରହି କାମ କରୁଥିଲେ। ସେ କିଛି ଦିନ ହେବ ନୂଆଖାଇ ପାଇଁ ନିଜ ଗାଁ କୁ ଆସିଥିଲେ। ଆଜି ସକାଳୁ ୧ ନମ୍ବର ପ୍ଲାଟଫୋର୍ମ ରେଳ ଲାଇନରେ ମାଲବାହି ରେଳରେ କଟି ଯିବା ପରେ ତାଙ୍କର ମୃତ୍ୟୁ ହୋଇଥିବା ଦେଖିବାକୁ ମିଳିଛି।