ସାରଙ୍ଗଗଡ଼ରେ ମେରୀ ମାଟି ମେରା ଦେଶ କାର୍ଯକ୍ରମ

ଫୁଲବାଣୀ :  କନ୍ଧମାଳ ଜିଲ୍ଲା କେ.ନୂଆଗାଁ ବ୍ଲକର ସାରଙ୍ଗଡ ଠାରେ ବ୍ଲକ୍ ସ୍ତରୀୟ ମେରୀ ମାଟି ମେରା ଦେଶ କାର୍ଯକ୍ରମ ଅନୁଷ୍ଠିତ ହୋଇଯାଇଛି। ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ସାରଙ୍ଗଡ ହାଇସ୍କୁଲର ପ୍ରଧାନ ଶିକ୍ଷୟତ୍ରୀ ଶଶିତା ପାତ୍ର ଯୋଗ ଦେଇ ଆନୁଷ୍ଠାନିକ ଭାବରେ ଉଦଘାଟନ କରିଥିବା ବେଳେ ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥି ଭାବରେ ସାରଙ୍ଗଡ ଥାନା ଅଧିକାରୀ  ବଦୁଲିକା ବିଶ୍ଵାଳ, ଏସ୍ଆଇ କୃଷ୍ଣ ଚନ୍ଦ୍ର ଗୌଡ଼, ୱାର୍ଡ ମେମ୍ବର ସରୋଜିନୀ ଶତପଥୀ, ସହାୟକ ଶିକ୍ଷୟତ୍ରୀ ସ୍ମିତାରାଣୀ ବେହେରା ଏବଂ ନେହେରୁ ଯୁବ କେନ୍ଦ୍ର ଫୁଲବାଣୀର ସହକର୍ମୀ ସତ୍ୟବାନ୍ ଦଳବେହେରା ସ୍ବେଚ୍ଛାସେବୀ ମାନଙ୍କ ମଧ୍ୟରେ ସୁଦ୍ଧା ରାଣୀ ଶତପଥି, ଗଞ୍ଜନ ପ୍ରଧାନ, ମାଧୁରୀ ପଣ୍ଡା, ସୁଭସ୍ମିତା ବିଷୋୟୀ, କୃଷ୍ଣ ଚନ୍ଦ୍ର ପ୍ରଧାନ ପ୍ରମୁଖ ଯୋଗ ଦେଇଥିଲେ| ଏହି କାର୍ଯକ୍ରମ ରେ ଯୁବକ ସଂଘ ର ସଦସ୍ୟ-ସଦସ୍ୟା , ଛାତ୍ର ଛାତ୍ରୀ ପ୍ରମୁଖ ଅଂଶ ଗ୍ରହଣ କରିଥିଲେ। ଏହି କାର୍ଯକ୍ରମରେ ଏକ ପଦ ଯାତ୍ରା ଅନୁଷ୍ଠିତ ହୋଇଥିଲା ଏବଂ ପଦ ଯାତ୍ରାଟି ସାରଙ୍ଗଗଡ ସହର ପରିକ୍ରମା କରିଥିଲା। ଏହି କାର୍ଯକ୍ରମଟି ଦେଶ ସ୍ଵାଧୀନ ହେବାର ୭୫ ବର୍ଷ ପୂର୍ତ୍ତି ହେବାର ଉପଲକ୍ଷେ ଅନୁଷ୍ଠିତ ହୋଇଛି।