ଫୁଲବାଣୀ : କନ୍ଧମାଳ ଜିଲ୍ଲା ଗୋଛାପଡା ଥାନା ପୁଲିସ ପକ୍ଷରୁ ୨୦୩ କେଜି ଗଞ୍ଜେଇ ୬ ବାଇକ ଓ ୭ ଜଣ ଗଞ୍ଜେଇ ଚାଲାଣକାରୀଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ସୂଚନା ଅନୁସାରେ ଗୋଚ୍ଛାପଡା ଥାନା ବାଲନ୍ଦାପଡା ପଞ୍ଚାୟତର କେନ୍ଦୁଗୁଡା ଘାଟି ଦେଇ ଗଞ୍ଜେଇ ଚାଲାଣ ହେଉଥିବା ଗୋଚ୍ଛାପଡା ପୁଲିସକୁ ସୂଚନା ମିଳିଥିଲା। ଥାନା ଅଧିକାରୀ ପ୍ରଭାତ କୁମାର ବେହେରାଙ୍କ ନେତୃତ୍ୱରେ ଏକ ଟିମ୍ ଘାଟି ନିକଟରେ ଜଗି ରହିଥିବା ବେଳେ ଗଞ୍ଜେଇ ଚାଲାଣକାରୀମାନେ ଅଖାରେ ଗଞ୍ଜେଇ ଭର୍ତ୍ତି କରି ୬ ଟି ବିଭିନ୍ନ କମ୍ପାନୀର ବାଇକରେ ଗଞ୍ଜେଇ ଚାଲାଣ କରୁଥିବାବେଳେ ପୁଲିସ ସମସ୍ତଙ୍କୁ ଅଟକାଇ ଚାଲାଣ ହେଉଥିବା ଗଞ୍ଜେଇ ସହ ୬ଟି ବାଇକକୁ ଜବତ କରି ଗଞ୍ଜେଇ ଚାଲାଣକାରୀ ମାନଙ୍କୁ ଶନିବାର କୋର୍ଟ ଚାଲାଣ କରିଥିବା ସୂଚନା ମିଳିଛି । ତେବେ ଏହି ଗଞ୍ଜେଇ ଗୋଚ୍ଛାପଡା ଥାନା ଅଞ୍ଚଳରୁ ବୌଦ୍ଧ ଜିଲ୍ଲା ଘଣ୍ଟାପଡା ଅଞ୍ଚଳକୁ ଚାଲାଣ କରାଯାଉଥିବା ଚାଲାଣକାରୀମାନେ ପୁଲିସକୁ ସୂଚନା ଦେଇଛନ୍ତି ।
Comments are closed.