ଆଜାଦୀ ର ଅମୃତ ମହୋତ୍ସବ ଅବସରରେ ବ୍ୟାଙ୍କ ଅଫ୍ ମହାରାଷ୍ଟ୍ର ତରଫରୁ “ ମେରୀ ମାଟି ମେରା ଦେଶ” କାର୍ଯ୍ୟକ୍ରମ ଆୟୋଜିତ
ଭୁବନେଶ୍ୱର: ଦେଶର ସ୍ୱାଧିନତା ଓ ପ୍ରଗତିର ଯାତ୍ରାକୁ ସ୍ମୃତିଚାରଣ କରି ବ୍ୟାଙ୍କ ଅଫ୍ ମହାରାଷ୍ଟ୍ର ତରଫରୁ “ମେରୀ ମାଟି ମେରା ଦେଶ” କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମାନ୍ୟବର ପ୍ରଧାନମନ୍ତ୍ରୀ “ମିଟି କୋ ନମନ୍ , ବୀରୋ କୋ ବନ୍ଦନ” ଟ୍ୟାଗ୍ଲାଇନ୍ ସହିତ “ମେରି ମାଟି ମେରା ଦେଶ” କାର୍ଯ୍ୟକ୍ରମର ଦେଶବ୍ୟାପି ଶୁଭାରମ୍ଭ କରିଥିଲେ ।
ଦେଶର ପ୍ରମୁଖ ରାଷ୍ଟ୍ରାୟତ୍ତ ବ୍ୟାଙ୍କ, ବ୍ୟାଙ୍କ ଅଫ୍ ମହାରାଷ୍ଟ୍ର ତରଫରୁ ବ୍ୟାଙ୍କର ଭୁବନେଶ୍ୱର ଅଞ୍ଚଳର ଆଞ୍ଚଳିକ ପ୍ରବନ୍ଧକ ଆଲୋକ କୁମାର ମିଶ୍ରାଙ୍କ ନେତୃତ୍ୱରେ ଭୁବନେଶ୍ୱରର ପଟିଆ ଷ୍ଟେସନ ରୋଡ୍ରେ “ମେରୀ ମାଟି ମେରା ଦେଶ” କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ଏଥିରେ ଗିରିଜା ଭୂଷଣ ଶତପଥୀ, ଉଦ୍ୟାନବିତ୍, ଭୁବନେଶ୍ୱର ମ୍ୟୁନିସିପାଲିଟି କର୍ପୋରେସନ ଯୋଗ ଦେଇଥିବା ସହ ୧୦୦ଟି ନୂତନ ଚାରା ରୋପଣ କରାଯାଇଥିଲା । ବିଭିନ୍ନ ପ୍ରଜାତିର ୧୦୦ ଟି ଚାରା ରୋପଣ କରାଯିବା ସହିତ ଅମୃତ ବାଟିକା ବିକଶିତ କରାଯାଇଥିଲା ।
ଏହି କାର୍ଯ୍ୟକ୍ରମରେ ବ୍ୟାଙ୍କ ଅଫ୍ ମହାରାଷ୍ଟ୍ର ଭୁବନେଶ୍ୱର ଅଞ୍ଚଳର ସମସ୍ତ କର୍ମଚାରୀ ଉପସ୍ଥିତ ଥିଲେ ।
Comments are closed.