ମାହାଙ୍ଗା ନାବାଳିକା ମୃତ୍ୟୁ ମାମଲା: ନିଲମ୍ବିତ ବିଜେଡି ନେତା ଶରତ ନାୟକ ଓ ଖେଳ ଶିକ୍ଷକ ଅନୁପମ ରାୟ ଗିରଫ

ଭୁବନେଶ୍ବର: ମାହାଙ୍ଗା ନାବାଳିକା ମୃତ୍ୟୁ ଓ ପ୍ରମାଣ ନଷ୍ଟ ମାମଲାରେ ନିଲମ୍ବିତ ବିଜେଡି ନେତା ଶରତ ନାୟକ ଗିରଫ ହୋଇଛନ୍ତି। ଏହାସହିତ ଅଭିଯୁକ୍ତ ଖେଳ ତଥା ପିଇଟି ଶିକ୍ଷକ ଅନୁପମ ରାୟଙ୍କୁ ମଧ୍ୟ ପୁଲିସ ଗିରଫ କରିଛି। ମାହାଙ୍ଗା ଥାନା ପୁଲିସ ଉଭୟଙ୍କୁ ଗିରଫ କରାଯାଇଛି। ଶରତଙ୍କ ଅଡିଓ ଭାଇରାଲ ପରେ ହଇଚଇ ହୋଇଥିଲା। ଖେଳ ଶିକ୍ଷକଙ୍କ ମା’ଙ୍କ ସହ କଥାବାର୍ତ୍ତା ଭାଇରାଲ ହୋଇଥିଲା। ଫୋନରେ ୭୦ ହଜାର ଦେବାକୁ ଅନୁପମଙ୍କ ମା’ଙ୍କୁ କହିଥିଲେ ଶରତ। ମାମଲା ରଫାଦଫା ପାଇଁ ପୁଲିସକୁ ଟଙ୍କା ଦେବାକୁ କହିଥିଲେ। ଅଡିଓ ଭାଇରାଲ ପରେ ଶରତଙ୍କୁ ନିଲମ୍ବିତ କରିଥିଲା ବିଜେଡି।

ଏହି ଘଟଣାର ସତ୍ୟାସତ୍ୟ ଜାଣିବା ପାଇଁ ପୁଲିସ ତଦନ୍ତ ଆରମ୍ଭ କରିଥିଲା ଏବଂ ମାମଲାର ଖୋଳତାଡ଼ କରିଥିଲା। ଶରତ, କ୍ରୀଡ଼ା ଶିକ୍ଷକ ଅନୁପମ ରାୟ ଓ ତାଙ୍କ ମା’ଙ୍କୁ ପଚରାଉଚରା ପରେ ସେମାନଙ୍କ ବୟାନ ରେକର୍ଡ କରିଥିଲା। ଆଉ ଶେଷରେ ଆଜି ଉଭୟ ଶରତ ଓ ଅନୁପମଙ୍କୁ ମାହାଙ୍ଗା ଥାନା ପୁଲିସ ଗିରଫ କରିଛି ବୋଲି ସୂଚନା ଦିଆଯାଇଛି।