ଫୁଲବାଣୀ : କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଅନ୍ତର୍ଗତ କାଶିନିପଦର ଗ୍ରାମପଞ୍ଚାୟତ ଠାରେ ଫିରିଙ୍ଗିଆ ବ୍ଲକ ମିଶନ ଶକ୍ତି ପକ୍ଷରୁ ମହିଳା ସ୍ବୟଂ ସହାୟକ ଗୋଷ୍ଠୀ ମାନଙ୍କ ନିମନ୍ତେ ବ୍ୟାଙ୍କ ଋଣ ଓ ସୁଧ ଫେରସ୍ତ ସମ୍ବନ୍ଧୀୟ ଏକ କର୍ମଶାଳା ଆଜି ଅନୁଷ୍ଠିତ ହୋଇଯାଇଛି ।
ମିଶନ ଶକ୍ତି ଗୋଷ୍ଠୀ ପ୍ରକଳ୍ପ ସଂଯୋଜକ ଶ୍ରୀ ବାଦଲ ନାୟକଙ୍କ ସଂଯୋଜନାରେ ଅନୁଷ୍ଠିତ କର୍ମଶାଳାରେ ମୁଖ୍ୟ ଅତିଥି ଭାବେ ଗ୍ରାମପଞ୍ଚାୟତ ସରପଞ୍ଚ ଶ୍ରୀମତୀ ପ୍ରତିମା କହଁର, କାର୍ଯ୍ୟ ନିର୍ବାହୀ ଅଧିକାରୀ ପ୍ରଶାନ୍ତ କୁମାର ବେହେରା, ସମ୍ମାନୀତ ଅତିଥି ଭାବେ ସମନ୍ଵିତ ଶିଶୁବିକାଶ ଅଧିକାରୀ, ଫିରିଙ୍ଗିଆ ଶ୍ରୀମତୀ ହରିପ୍ରିୟା ମେହେର, ଗୋଷ୍ଠୀ ପ୍ରକଳ୍ପ ସଂଯୋଜକ ମିଶନ ଶକ୍ତି, ଫିରିଙ୍ଗିଆ ଶ୍ରୀ ବାଦଲ ନାୟକ, ବ୍ଲକ ଫେଡେରେସନ ସଭାନେତ୍ରୀ ମାମୁନୀ ପ୍ରଧାନ, ସମ୍ପାଦିକା ଶ୍ରୀମତୀ ପ୍ରଭାସିନୀ ସାହୁ, ଏମ.ବି.କେ.ଶ୍ରୀମତୀ ସୁପ୍ରିୟା ଥାଟ୍ଟୀ ଏବଂ ସମସ୍ତ ସି. ଆର. ପି. ପ୍ରମୁଖ ଯୋଗଦେଇଥିଲେ ।
ବ୍ୟାଙ୍କ ଋଣ ଗ୍ରହଣ ଓ ଋଣ ଫେରସ୍ତ, ମାଛ ଚାଷ, ପ୍ରାଣୀ ସମ୍ପଦ ପାଳନ, ଉଦ୍ୟାନ କୃଷି, ଜିଆ ଖତ ପ୍ରସ୍ତୁତି, ଧାନ, ପନିପରିବା ଚାଷ, ଛତୁ ଚାଷ, ଶିଶୁ ପୋଷାକ ଓ ବିଦ୍ୟାଳୟ ପୋଷାକ ସିଲାଇ ଓ ବଣ୍ଟନ, ମଧ୍ୟାହ୍ନ ଭୋଜନ ପରିଚାଳନା ଆଦି ସମ୍ପର୍କରେ ଅତିଥି ଗଣ ମାର୍ଗ ଦର୍ଶନ ଦେଇଥିବା ବେଳେ ପଲ୍ଲାବୃଡ଼ି ଏବଂ କଶିନିପଦର ଗ୍ରାମପଞ୍ଚାୟତରୁ ଶତାଧିକ ମହିଳା ସ୍ବୟଂ ସହାୟକ ଗୋଷ୍ଠୀ ସଭ୍ୟା କାର୍ଯ୍ୟକ୍ରମରେ ଯୋଗଦେଇ ଥିଲେ ।
Comments are closed.