ଆଠଗଡ : ଝାରସୁଗୁଡା ଉପନିର୍ବାଚନରେ ବିଜେଡି ପ୍ରାର୍ଥୀ ଦୀପାଳି ଦାସଙ୍କ ବିପୁଳ ବିଜୟ ପରେ ଆଠଗଡ ବିଜେଡି ପକ୍ଷରୁ ବିଜୟ ଶୋଭାଯାତ୍ରା ଆୟୋଜିତ ହୋଇଥିଲା । ବିଜେଡି ଯୁବ ସଂଗଠକ ଆଦିତ୍ୟ ପ୍ରତାପ ସ୍ୱାଇଁଙ୍କ ନେତୃତ୍ୱରେ ବିଜୁ ଯୁବ ଓ ଛାତ୍ର ଜନତାର ଶତାଧିକ କର୍ମୀ ବାଜା ଓ ବାଣ ଫୁଟାଇ ଆଠଗଡ ସହର ପରିକ୍ରମା କରିଥିଲେ । ଛାତ୍ର ବିଜେଡି ସଭାପତି ସତ୍ୟପ୍ରିୟ ମହାନ୍ତିଙ୍କ ପରିଚାଳନାରେ ଅନୁଷ୍ଠିତ ଏହି ଶୋଭାଯାତ୍ରା ସମୟରେ ଯୁବନେତା ଶ୍ରୀ ସ୍ୱାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ଜଣାଇବା ସହ ବିଜୟୀ ପ୍ରାର୍ଥୀ ଦୀପାଳୀ ଦାସଙ୍କୁ ଅଭିନନ୍ଦନ ଜଣାଇଥିଲେ । ଆଠଗଡ ସହର ଓ କନ୍ତୋଲ ଅଞ୍ଚଳ ପରିକ୍ରମା କରିଥିବା ଏହି ଶୋଭାଯାତ୍ରାରେ ଏନଏସି ଛାତ୍ର ବିଜେଡି ସଭାପତି ମହମ୍ମଦ ଖଲିଦ୍, ଛାତ୍ରନେତା ଶୁଭେନ୍ଦୁ ବେଉରା, ଯୁବନେତା ପ୍ରଭଞ୍ଜନ ସେଠୀ, ବିଭୂତି ଖଟୁଆ, ଏନଏସି ଯୁବ ବିଜେଡି ସଭାପତି ବିନୋଦ ମାଝି, ବିଜେଡି ସଭାପତି ଶିବଶଙ୍କର ଜେନା ପ୍ରମୁଖଙ୍କ ସମେତ ବହୁ ଛାତ୍ର ଓ ଯୁବନେତା ଯୋଗଦେଇଥିଲେ।
Comments are closed.