କଲମପୁର ଓଡିଶା ଆଦର୍ଶ ବିଦ୍ୟାଳୟରେ ୭୭.୪% ପରୀକ୍ଷାର୍ଥୀ ପାସ୍, ୯୪.୮୦ ପ୍ରତିଶତ ନମ୍ବର ରଖିଲେ ତୁଷାର କୁମାର

କଲମପୁର:ଶୁକ୍ରବାର ପ୍ରକାଶିତ ହେଇଛି କେନ୍ଦ୍ରୀୟ ବୋର୍ଡ ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷାର ଫଳ। କଲମପୁର ଓଡିଶା ଆଦର୍ଶ ବିଦ୍ୟାଳୟର ୬୨ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ। ସେମାନଙ୍କ ମଧ୍ୟରୁ ୭୭.୪ ପ୍ରତିଶତ ଅର୍ଥାତ୍ ୪୮ ଜଣ ପରୀକ୍ଷାର୍ଥୀ ପାସ୍ କରିଛନ୍ତି। ତୁଷାର କୁମାର ରାୟଗୁରୁ ୯୪.୮୦ ପ୍ରତିଶତ ହାରରେ ସର୍ବମୋଟ ୫ଶହ ନମ୍ବରରୁ ପରୀକ୍ଷାରୁ ୪୭୪ ନମ୍ବର ରଖି ବିଦ୍ୟାଳୟ ସହ ବ୍ଲକ ଟପର୍ ହେଇଛନ୍ତି । ତୁଷାର ହେଉଛନ୍ତି ଅଲିଶା ଏବଂ ତପନ ରାୟଗୁରୁଙ୍କ ଏକମାତ୍ର ପୂତ୍ର। ସେ ପିଲାଟି ଦିନରୁ ଜଣେ ମେଧାବୀ ଛାତ୍ର ଭାବେ ନିଜର ପରିଚୟ ସୃଷ୍ଟି କରିଥିଲେ। ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରି କୃତୀତ୍ୱ ହାସଲ କରୁଥିଲେ। ଶୁକ୍ରବାର ପରୀକ୍ଷା ଫଳ ପ୍ରକାଶିତ ହେବା ପରେ ତାଙ୍କ କୃତୀତ୍ୱକୁ ନେଇ ସ୍ଥାନୀୟ ଅଂଚଳରେ ଖୁସିର ଲହରି ଖେଳି ଯାଇଥିଲା।