ଜେଏସଡ୍ଳୁ-ଭୂଷଣ ଟାଉନସିପରେ ଦୁର୍ଘଟଣା : ୬ ମହଲା ବାଲକୋନିରୁ ଖସି ଶିଶୁର ମୃତ୍ୟୁ

ରେଙ୍ଗାଲି :  ସମ୍ବଲପୁର ଜିଲ୍ଲା  ଠେଲକୋଲୋଇ  ଠାରେ ଥିବା ଜେଏସଡ୍ଳୁ-ଭୂଷଣ  କାରଖାନାର ଟାଉନସିପ୍‌ ରେ ଗୁରୁବାର ଏକ ଦୁର୍ଘଟଣା ଘଟି ଜନୈକ ଦେଢ ବର୍ଷ ବୟସ ଶିଶୁର ମୃତ୍ୟୁ ହୋଇଥିବା ପୁଲିସ ସୁତ୍ରରୁ ଜଣାପଡିଛି ।  ଶିଶୁଟି  ଆଜି ବାଲକୋନୀରେ ଖେଳୁଥିବା ସମୟରେ  ୬ ମହଲା ତଳକୁ ଖସି ପଡିଥିଲା । ମା-ବାପା ଓ ପଡ଼ୋଶୀ ଶିଶୁକୁ ଗୁରୁତର ଅବସ୍ଥାରେ ଉଦ୍ଧାର କରି ଝାରସୁଗୁଡା ଜିଲ୍ଲା ମୁଖ୍ୟ ଡାକ୍ତରଖାନାକୁ ନେଇଥିଲେ । ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ। ମୃତ ଶିଶୁ  ବାପା ଗୌରବ କୁମାର ଚାୱଡା  ଜେଏସଡ୍ଳୁ-ଭୂଷଣ କମ୍ପାନୀର ସେଣ୍ଟ୍ରାଲ ୟୁଟିଲିଟି ଅକ୍ସିଜେନ୍ ପ୍ଳାଣ୍ଟରେ ସହକାରୀ ପରିଚାଳକ ଭାବେ କାମ କରୁଥିବାର ପ୍ରକାଶ । ଏହି ଘଟଣା ଟାଉନସିପରେ ଶୋକର ଛାୟା ଖେଳାଇ ଦେଇଛି ।