ଭୁବନେଶ୍ବର: ଆଜି ସାଂସଦ ଅପରାଜିତା ଷଡଙ୍ଗୀଙ୍କ ଅଚାନକ ସ୍ମାର୍ଟ ସିଟିର ଶହୀଦନଗର ଅଞ୍ଚଳ ପରିଦର୍ଶନରେ ଆସିଥିଲେ। ଏହି ଅବସରରେ ଶହୀଦ ନଗରର କିଛି ବରିଷ୍ଠ ନାଗରିକ ସେମାନଙ୍କ ସମସ୍ୟା ସମ୍ପର୍କରେ ସାଂସଦଙ୍କୁ ଅବଗତ କରାଇଥିଲେ।
ମହର୍ଷି କଲେଜ ରୋଡ ୱେଲଫେୟାର କମିଟିର ସଭାପତି ପ୍ରଫେସର ଶାନ୍ତନୁ କୁମାର ଆଚାର୍ଯ୍ୟ ଏବଂ ଅନ୍ୟାନ୍ୟ ବରିଷ୍ଠ ସଦସ୍ୟ ସାଂସଦ ଅପରାଜିତା ଷଡ଼ଙ୍ଗିଙ୍କୁ ସ୍ୱାଗତ କରିଥିଲେ ଏବଂ ସେମାନଙ୍କ ସମସ୍ୟା ବିଷୟରେ ଆଲୋଚନା କରିଥିଲେ। ସ୍ଥାନୀୟ ମହର୍ଷି କଲେଜ ମୁଖ୍ୟ ରାସ୍ତାର ଦୋହରୀ କରଣ ନିମନ୍ତେ ଆବଶ୍ୟକୀୟ ୨୦ ଫୁଟ୍ ଜାଗା ଅଧିଗ୍ରହଣ, ସେହି ୨୦ ଫୁଟ୍ ମଧ୍ୟରୁ ରାସ୍ତାର ଉଭୟ ପାଶ୍ୱର୍ରୁ ଯଥାକ୍ରମେ ୧୨ ଫୁଟ ଏବଂ ୮ ଫୁଟ୍ ଅଧିଗ୍ରହଣ ପାଇଁ ପଦକ୍ଷେପ ନେବାକୁ ସାଂସଦଙ୍କ ନିକଟରେ ଦାବି ଉପସ୍ଥାପନ କରାଯାଇଥିଲା। ବହୁ ଦିନ ପୂର୍ବରୁ ଉକ୍ତ ରାସ୍ତାର ଦୋହରୀ କରଣ ନିମନ୍ତେ ଆବଶ୍ୟକୀୟ ୨୦ ଫୁଟ୍ ଜାଗା ରାସ୍ତାର ଅପରପାର୍ଶ୍ବରେ ଥିବା ବିଭିନ୍ନ ଜାଗା ଚିହ୍ନଟ ମଧ୍ୟ କରାଯାଇଥିଲା।
ରାସ୍ତାର ଅପରପାଶ୍ୱର୍ରେ ଥିବା ବହୁ ପୁରାତନ ଘରୋଇ ଆବାସ ଯାହାକି ରାଜ୍ୟସରକାରଙ୍କ ସାଧାରଣ ପ୍ରଶାସନ ବିଭାଗ ଦ୍ୱାରା ଆବଣ୍ଟନ କରାଯାଇଛି। ଏବେ ସରକାରଙ୍କ ଆଦେଶ ଅନୁଯାୟୀ ଲକ୍ଷ ଲକ୍ଷ ଟଙ୍କା ଜମା କରି ଫ୍ରି ହୋଲ୍ଡ କରାଯାଇଛି। ଏହି ପାର୍ଶ୍ବରେ ପ୍ରାୟ ୪୦ ରୁ ଅଧିକ ବ୍ୟତିଗତ ଜାଗାରୁ ୮ ଫୁଟ୍ ଅଧିଗ୍ରହଣ ନିମନ୍ତେ ଯୋଜନା ପ୍ରସ୍ତୁତ କରାଯାଇଛି। ଫଳରେ ଏଠାରେ ରହୁଥିବା ବହୁ ବରିଷ୍ଠ ବ୍ୟକ୍ତି ଏହାର ପ୍ରତିବାଦ କରୁଛନ୍ତି। ଉକ୍ତ ସମସ୍ୟା ସମ୍ବନ୍ଧରେ ସ୍ଥାନୀୟ କର୍ପୋରେଟର ରାଜକିଶୋର ଦାସଙ୍କ ସହାୟତାରେ ସ୍ଥାନୀୟ ମେୟର, ବିଏମସି କମିଶନର ଏବଂ ବିଧାୟକଙ୍କୁ କମିଟି ତରଫରୁ ଅବଗତ କରାଯାଇଅଛି।
କମିଟି ସଦସ୍ୟମାନଙ୍କ ସହିତ ଆଲୋଚନା ପରେ ସାଂସଦ ଅପରାଜିତା ରାସ୍ତାର ପରିଦର୍ଶନ କରିଥିଲେ। ଏହି ସମୟରେ କମିଟିର ସଦସ୍ୟଙ୍କ ଅସୁବିଧାର ସମ୍ପର୍କରେ ଆଲୋଚନା କରିଥିଲେ ଏବଂ ବ୍ୟକ୍ତିଗତଭାବେ ଉକ୍ତ ରାସ୍ତାର ସ୍ଥିତି ପରିଖିଥିଲେ। ଘରୋଇ ବାସୀନ୍ଦାମାନେ କିପରି କ୍ଷତିର ସମ୍ମୁଖୀନ ହେବେ ତାହା ଜାଣିବା ପାଇଁ ରାସ୍ତା ପରିଦର୍ଶନ କରିଥିଲେ। ତାଙ୍କର ପରିଦର୍ଶନ ସମୟରେ କମିଟିର ସଭାପତି ଏବଂ ଅନ୍ୟ ବରିଷ୍ଠ
ସଦସ୍ୟମାନଙ୍କ ସହିତ ସ୍ଥାନୀୟ ଅଞ୍ଚଳର ଲୋକେ ଉପସ୍ଥିତ ଥିଲେ।
Comments are closed.