ଫୁଲବାଣୀ: କନ୍ଧମାଳ ଜିଲା ଫିରିଙ୍ଗିଆ ବ୍ଲକ ରେ ଦିନକୁ ଦିନ ଗଞ୍ଜେଇ ଚାଲାଣ ବଢ଼ିବାରେ ଲାଗିଛି। ପୁଲିସ ଓ ଅବକାରୀ ବିଭାଗ ବାରମ୍ବାର ଧର ପଗଡ଼ କରିଥିବା ବେଳେ ବିଭିନ୍ନ ସମୟରେ ଗଞ୍ଜେଇ ଜବତ ସହ ମାଫିଆମାନଙ୍କୁ ଗିରଫ କରି କୋର୍ଟ ଚାଲାଣ କରିଛି କିନ୍ତୁ ଗଞ୍ଜେଇ ଚାଲାଣ କମିବାରେ ନା ଧରୁନି। ଗୋଟିଏ ପଟେ ମାଫିଆ ମନେ ବିଭିନ ଉପାୟରେ ଗଞ୍ଜେଇ ଚାଲାଣ କରୁଥିବା ବେଳେ ଆଜି ପୁଣି ଫିରିଙ୍ଗିଆ ପୋଲିସ ଡିଣ୍ଡିରା ଗାଁ ପଞ୍ଚାୟତର କୁଡୁକି ଘାଟି ରାସ୍ତାରୁ ୨୧୦କେଜି ଗଞ୍ଜେଇ ସହ ଗଞ୍ଜେଇ ଚାଲାଣ ରେ ବ୍ୟବହୃତ ବୋଲେରୋ ପିକପକୁ ଜବତ କରିଥିବା ବେଳେ ଘଟଣା ସ୍ଥଳରୁ ଅନଗୁଳ ଜିଲା ଛେଣ୍ଡିପଦା ଥାନା କଙ୍କରପାଳ ଗାଁ ର ସରୋଜ କୁମାର ସାହୁ ଏବଂ ଗାଡିର ଡ୍ରାଇଭର ମଧ୍ୟ ଫେରାର ହୋଇ ଥିବା ପୁଲିସ ସୂଚନା ଦେଇଛି। ଅନ୍ୟ ପଟେ ଏହି ଘଟଣା କୁ ନେଇ ଫିରିଙ୍ଗିଆ ଥାନାରେ ୭୦/୨୩ରେ ଗଞ୍ଜେଇ ଚାଲାଣ ସମ୍ପର୍କିତ ମାମଲା ରୁଜୁ କରି ଫେରାର ଅଭିଯୁକ୍ତ କୁ ଧରିବାକୁ ଯୋଜନା ଚାଲିଥିବା ବେଳେ ଅଧିକ ତଦନ୍ତ ଚାଲୁ ରହିଥିବା ଫିରିଙ୍ଗିଆ ଥାନା ଅଧିକାରୀ ତପନ କୁମାର ନାହାକ ସୂଚନା ଦେଇଛନ୍ତି।
Comments are closed.