ଅହମ୍ମଦାବାଦ : ଗୁଜୁରାଟ ସଚିବାଳୟ ପରିସରରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ରବିବାର ରାତିରେ ଏକ ବଣୁଆ କଲରାପତରିଆ ବାଘ ସଚିବାଳୟ ପରିସର ମଧ୍ୟକୁ ପ୍ରବେଶ କରୁଥିବାର ସିସିଟିଭି ଫୁଟେଜରେ ଦେଖିବାକୁ ମିଳିଛି । ସଚିବାଳୟ ଗେଟ୍ ନମ୍ବର ୭ ତଳ ଦେଇ ବାଘଟି ଭିତରକୁ ପଶିବାକୁ ଚେଷ୍ଟା କରୁଥିବା ଦେଖାଯାଇଛି । ବାଘଟି ବିଧାନସଭାରେ ପ୍ରବେଶ କରିଥିବା ସନ୍ଦେହ କରାଯାଉଛି । ଏହାକୁ ନେଇ କର୍ମଚାରୀ ଭୟଭୀତ ହୋଇପଡିଛନ୍ତି । ଫଳରେ ବାଘ କାରଣରୁ ସୋମବାର ଗୃହ କାର୍ଯ୍ୟକୁ ବାତିଲ କରାଯାଇଛି । ସୁରକ୍ଷା ଦୃଷ୍ଟିରୁ ବିଧାନସଭା ମଧ୍ୟକୁ ସାଧାରଣ ପ୍ରବେଶ ଉପରେ ମଧ୍ୟ ରୋକ ଲଗାଯାଇଛି । ବାଘକୁ ଧରିବା ପାଇଁ ସଚିବାଳୟରେ ୧୦୦ରୁ ଅଧିକ ବନ ବିଭାଗ କର୍ମଚାରୀ ନିୟୋଜିତ ହୋଇଛନ୍ତି । ସଚିବାଳୟ ପରିସରରେ ପଞ୍ଜୁରୀ ବସା ଯିବା ସହିତ ବିଶେଷଜ୍ଞ ଦଳଗୁଡ଼ିକ ପହଞ୍ଚି ଟ୍ରାଙ୍କ୍ୟୁଲାଇଜର୍ ମାଧ୍ୟମରେ ବାଘଟିକୁ କାବୁ କରିବାକୁ ଚେଷ୍ଟା ଚଳାଇଛନ୍ତି ।
Popular Categories
Previous article
Next article