ଅତାବିରା ଏନ୍ଏସି ନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ ଶେଷ

ରେଙ୍ଗାଲିକ୍ୟାମ୍ପ :  ଅତାବିରା ଏନ୍ଏସି ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲର ଶେଷ ଦିବସରେ ବୁଧବାର ବିଜେପି, କଂଗ୍ରେସ ଓ ସ୍ଵାଧୀନ ପ୍ରାର୍ଥୀମାନେ ନାମାଙ୍କନ ପତ୍ର ଦାଖଲ କରିଛନ୍ତି। ପ୍ରତ୍ୟେକ ଦଳ ପ୍ରାର୍ଥୀମାନେ ନିଜର ସମର୍ଥକମାନଙ୍କୁ ନେଇ ଶୋଭାଯାତ୍ରାରେ ବାହାରି ଏନ୍ଏସି କାର୍ଯ୍ୟାଳୟରେ ପ୍ରାର୍ଥୀପତ୍ର ଦାଖଲ କରିଥିଲେ । ବରଗଡ଼ ଉପ ଜିଲ୍ଲାପାଳ ଲଲାଟ ଲୁହା ନିର୍ବାଚନ ଅଧିକାରୀ ଦାୟିତ୍ୱ ତୁଲାଉଛନ୍ତି।

ବିଜେପି ପକ୍ଷରୁ ୧୨ ଜଣ କାଉନସିଲର ଓ ଜଣେ ଅଧ୍ୟକ୍ଷ ପଦ ପାଇଁ ମୋଟ ୧୩ ଟି ପ୍ରାର୍ଥୀପତ୍ର ଦଖଲ କରିଥିଲେ। ଠିକ୍ ସେହିପରି କଂଗ୍ରେସ ଦଳ ପକ୍ଷରୁ ମଧ୍ୟ ୧୩ଟି ପ୍ରାର୍ଥୀପତ୍ର ଦାଖଲ କରାଯାଇଥିବା ବେଳେ ସ୍ବାଧୀନ ପ୍ରାର୍ଥୀ ୱାର୍ଡ ନଂ ୨,୩ ଓ ୮ ପାଇଁ ମୋଟ ୩ଟି କାଉନସିଲର ଓ ଜଣେ ଅଧ୍ୟକ୍ଷ ପଦ ପାଇଁ ଗୋଟିଏ ପ୍ରାର୍ଥୀପତ୍ର ମୋଟ ୪ ଟି ନାମାଙ୍କନ ପତ୍ର ଦାଖଲ କରିଥିବା ଜଣାପଡିଛି। ମୋଟ ୫୧ଟି ନାମାଙ୍କନ ପତ୍ର ବିକ୍ରି ହୋଇଥିବା ବେଳେ ୪୩ଟି ପ୍ରାର୍ଥୀପତ୍ର ଦାଖଲ ହୋଇଥିବା ଜଣାପଡିଛି।