ଜି ଉଦୟଗିରି: ଜଙ୍ଗଲକୁ ନିଆଁ ଦାଉରୁ ରକ୍ଷା କରିବା ପାଇଁ ଜି ଉଦୟଗିରି ବାନାଞ୍ଚଳରେ ଗଡ଼ିଲା ସଚେତନତା ରଥ। ବିଗତ ଦିନରେ ଏକ ସଚେତନତା ରଥ କନ୍ଧମାଳ ଜିଲ୍ଲା ଖଣ୍ଡିଅ ବନ ବିଭାଗ କାର୍ଯ୍ୟାଳୟ ପକ୍ଷରୁ ଖଣ୍ଡିଅ ବନ ଅଧିକାରୀ ପ୍ରଶାନ୍ତ କୁମାର ପଟେଲଙ୍କ ତତ୍ତ୍ୱାବଧାନରେ କନ୍ଧମାଳ ଜିଲ୍ଲାପାଳ ଆଶିଷ ଈଶ୍ୱର ପାଟିଲ ପତାକା ଦେଖାଇ ଉଦଘାଟନ କରିବା ପରେ ଆଜି ସଚେତନତା ରଥ ଜି ଉଦୟଗିରି ବାନାଞ୍ଚଳଠାରେ ପହଞ୍ଚିଥିଲା। ଜି ଉଦୟଗିରି ବନାଞ୍ଚଳ ଅଧିକାରୀ ମୀନାକ୍ଷୀ କୁମୂରାଙ୍କ ତତ୍ତ୍ୱାବଧାନରେ ଆୟୋଜିତ ସଚେତନତା ରଥରେ ମୁଖ୍ୟ ଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷା ସୁଷମା ପ୍ରଧାନ ଯୋଗ ଦେଇ ପୂଜାର୍ଚ୍ଚନା କରି ପତକା ଦେଖାଇ ଶୁଭ ଉଦଘାଟନ କରିଥିଲେ। କାର୍ଯ୍ୟକ୍ରମରେ ବନପାଳ ରଶ୍ମିତା ବକ୍ସି, ଅନୁପମା ପାଣିଗ୍ରାହୀ, ବନରଖି ବିଭୂରଞ୍ଜନ ସାମନ୍ତରାୟ, ମନୋଜ ମହାପାତ୍ର, ପାହାଡ଼ ସେଚ୍ଛାସେବୀ ସଙ୍ଗଠନ କର୍ମକର୍ତ୍ତା ଓ ପାରା ବନ କର୍ମଚାରୀ ସହଯୋଗ କରିଥିଲେ। ସଚେତନତା ରଥ ଜି ଉଦୟଗିରି ବନାଞ୍ଚଳ ଅନ୍ତର୍ଗତ ବିଭିନ୍ନ ସ୍ଥାନରେ ପ୍ରଚାର ପରେ ଫିରିଙ୍ଗିଆ ବନାଞ୍ଚଳ ଯିବାର କାର୍ଯ୍ୟକ୍ରମ ଥିବା ନେଇ ବନାଞ୍ଚଳ ଅଧିକାରୀ ସୂଚନା ଦେଇଛନ୍ତି।
Popular Categories
Previous article
Next article