ବେଙ୍ଗାଲୁରୁ : ବେଙ୍ଗାଲୁରୁ ବିଶ୍ବର ଦ୍ବିତୀୟ ଜନାକୀର୍ଣ୍ଣ ସହର ଭାବେ ପରିଗଣିତ ହୋଇଛି। ଡଚ୍ ଲୋକେସନ ଟେକ୍ନୋଲୋଜି ସ୍ପେସାଲିଷ୍ଟ ଟମ୍ ଟମ୍ର ଟ୍ରାଫିକ ଇଣ୍ଡେକ୍ସ ଅନୁଯାୟୀ ୨୦୨୨ ରେ ବେଙ୍ଗାଲୁରୁ ବିଶ୍ବର ଦ୍ବିତୀୟ ଜନଗହଳି ସହର ରହିଥିଲା। ବେଙ୍ଗାଲୁରୁ ଟ୍ରାଫିକ ଇଣ୍ଡେକ୍ସ ଜିଏଫଏକ୍ସ ଅନୁଯାୟୀ ଏହି ସହରରେ ୧୦ କିମି ଦୂର ଯାତ୍ରା କରିବାକୁ ହାରାହାରି ୨୯ମିନିଟ୍ ୧୦ ସେକେଣ୍ଡ ଲାଗିଥାଏ। ସହରର ପ୍ରମୁଖ ଅଞ୍ଚଳରେ ଯାତ୍ରା କରିବା ସମୟରେ ଯାନବାହନର ବେଗ ଘଣ୍ଟାପ୍ରତି ୧୮ କିମି ରହିଥାଏ। ୨୦୨୨ର ଜନାକୀର୍ଣ୍ଣ ସହର ତାଲିକାର ପ୍ରଥମ ସ୍ଥାନରେ ଲଣ୍ଡନ ସହର ରହିଥିବାବେଳେ ଦ୍ବିତୀୟରେ ଆର୍ୟଲାଣ୍ଡର ଡବଲିନ୍ ତୃତୀୟ, ଜାପାନର ସାପୋରୋ ଚତୁର୍ଥସ୍ଥାନରେ ରହିଛନ୍ତି। ଲଣ୍ଡନ ସହରରେ କେନ୍ଦ୍ରାଞ୍ଚଳ (ବିବିପିଏସ୍) ଅଞ୍ଚଳରେ ୧୦ କିମି ଦୂର ଯାତ୍ରା କରିବା ଲାଗି ୩୬ ମିନିଟ୍ ୨୦ ସେକେଣ୍ଡ ଲାଗିଥାଏ। ସେହିପରି ଡବଲିନରେ ଏହି ଦୂରତା ଅତିକ୍ରମ ଲାଗି ୨୮ ମିନିଟ୍ ୩୦ ସେକେଣ୍ଡ, ସାପୋରୋରେ ୨୭ ମିନିଟ୍ ୪୦ ସେକେଣ୍ଡ ଲାଗିଥାଏ। ପୁଣେରେ ୧୦ କିମି ଦୂର ଅତିକ୍ରମ ଲାଗି ୨୭ ମିନିଟ୍ ୨୦ ସେକେଣ୍ଡ ଓ ଦିଲ୍ଲୀରେ ୨୨ ମିନିଟ୍ ୧୦ ସେକେଣ୍ଡ, ମୁମ୍ବଇରେ ୨୧ ମିନିଟ୍ ୧୦ ସେକେଣ୍ଡ ଲାଗିଥାଏ। ଭାରତର ପୁଣେ ସହର ଜନାକୀର୍ଣ୍ଣ ସହର ତାଲିକାର ୬ଷ୍ଠ ସ୍ଥାନରେ ରହିଛି। ସେହିପରି ଦିଲ୍ଲୀର ୩୪ ଓ ମୁମ୍ବଇ ୪୭ତମ ସ୍ଥାନରେ ରହିଛି। ୨୦୨୨ ମସିହାରେ ଟମ୍ ଟମ୍ ଟ୍ରାଫିକ ଇଣ୍ଡେକ୍ସ ବିଶ୍ବର ୫୬ଟି ରାଷ୍ଟ୍ରର ୩୮୯ଟି ସହରକୁ ନେଇ ଏହାର ତାଲିକା ପ୍ରସ୍ତୁତ କରିଛି।
Popular Categories
Previous article
Next article