କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ପାରସାଲି ପଞ୍ଚାୟତର ନିୟମଗିରି ପାହାଡ ଅଞ୍ଚଳ ପାଇଁ କରାଯାଇଥିବା ଜିଓ ନେଟୱର୍କର ରେଞ୍ଜ ବଢ଼ାଇବା ପାଇଁ ନିୟମଗିରି ଡଙ୍ଗରିଆ କନ୍ଧ ଦାବୀ କରିଛନ୍ତି । କୋରାପୁଟ ଲୋକସଭା ସାଂସଦ ସପ୍ତଗିରି ଶଙ୍କର ଉଲ୍ଲକା ପାର୍ଲାମେଣ୍ଟରେ ଲାଗି ନିୟମଗିରି ଅଞ୍ଚଳକୁ ୪ଜି ଜିଓ ନେଟୱର୍କର ବ୍ୟବସ୍ଥା କରି ତାହା ଚଳିତ ମାସ ୪ ତାରିଖରେ ଉଦଘାଟନ କରିଥିଲେ । ଏହି ୪ଜି ଜିଓ ନେଟୱର୍କର ରେଞ୍ଜ କମ ରହିଥିବାରୁ ତାହା ପ୍ରାୟ ୨ କିମି କାଣସୁର ବିଦ୍ୟାଳୟ ପର୍ଯ୍ୟନ୍ତ ନେଟୱର୍କ ରହୁଛି । ତାହା ଆଉ କାର୍ଯ୍ୟ କରୁନାହିଁ । ସମତଳ ଅଞ୍ଚଳକୁ ଯଦି ନେଟୱର୍କ ଆସୁନାହିଁ ତାହେଲେ ପାହାଡିଆ ଅଞ୍ଚଳକୁ କିପରି ନେଟୱର୍କ ଆସୁଥିବ ଏଥିରୁ ଜଣାପଡୁଥିବ । ପାହାଡ଼ ଉପରେ ଥିବା ସାନଡେଙ୍ଗିଲେଲି ଓ ବଡଡେଙ୍ଗିଲେଲିକୁ ମଧ୍ୟ ନେଟୱର୍କ ଆସୁନାହିଁ। ତେଣୁ ଏହାର ନେଟୱର୍କ ରେଞ୍ଜ ବଢାଇବା ପାଇଁ ନିୟମଗିରି ପାହାଡରେ ବସବାସ କରୁଥିବା ଗୋବିନ୍ଦ ବାଗ, ବିଶ୍ୱନାଥ ମାଣ୍ଡିକା, ତୁଷୁ ସିକକା, କୁର୍ଲ୍ଲା ସିକକା, ମିଶ୍ର ସିକକା, ମୁକୁଲି ସିକକା, ଲାଛି ସିକକା ପ୍ରମୁଖ ଦାବୀ କରିଛନ୍ତି ।
Popular Categories
Previous article
Next article