କୁଆଁପାଳ: ଅଙ୍ଗନୱାଡ଼ି କେନ୍ଦ୍ରରେ ରୋଷେଇ ଚାଲିଥିବା ବେଳେ ହଠାତ୍ ଗ୍ୟାସ ଟାଙ୍କି ଫାଟି ହୁ ହୁ ହୋଇ ଜଳିଗଲା ରୋଷେଇ ଘର । ହେଲେ ଏହି ବଡ଼ ଅଘଟଣରୁ ସୌଭାଗ୍ୟବଶତଃ ବଞ୍ଚିଗଲେ ସମସ୍ତ କୁନିକୁନି ପିଲା, ଅଙ୍ଗନୱାଡି ଦିଦି ଓ ସହାୟିକା। ଘଟଣା ଘଟିଛି କଟକ ଜିଲ୍ଲା ମାହାଙ୍ଗା ବ୍ଲକ ଲଳିତଗିରିଠାରେ । ଲଳିତଗିରି ଅଙ୍ଗନବାଡି ୨ କେନ୍ଦ୍ରରେ ରୋଷେଇ ହେଉଥିବା ବେଳେ ରୋଷେଇ ଘରୁ ବାହାରକୁ ପଳେଇ ଆସି ସହାୟିକା ଶିଶୁଙ୍କ ପାଇଁ ସିଝା ଅଣ୍ଡା ଛଡାଉଥିଲେ । ଏହି ଅଣ୍ଡା ତାଙ୍କ ଜୀବନ ବଞ୍ଚାଇଦେଲା। ଘରେ ପ୍ରଥମେ ଧୁଆଁ ହେବାରୁ କର୍ମୀ ଓ ସହାୟିକା ଅଙ୍ଗନୱାଡ଼ି ଶିଶୁମାନଙ୍କୁ କେନ୍ଦ୍ର ବାହାରକୁ ନେଇ ଆସିବା ପରେ ରୋଷେଇଘରେ ଗ୍ୟାସ ଟାଙ୍କି ଫାଟି ହୁହୁ ହୋଇ ଜଳିଥିଲା। ତେବେ ସମସ୍ତେ ସୁରକ୍ଷିତ ଥିବା ଜଣାଯାଇଛି।
Comments are closed.