ଡେସ୍କ : ଗତ ଦୁଇ ଦଶନ୍ଧି ମଧ୍ୟରେ ବିଭିନ୍ନ କ୍ଷେତ୍ରରେ ଗୁଜରାଟ ବିକାଶର ନୂତନ ଉଚ୍ଚତାକୁ ସ୍ପର୍ଶ କରିଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି । ପ୍ରଧାନମନ୍ତ୍ରୀ ଗୁଜରାଟ ବିଧାନସଭା ନିର୍ବାଚନ ପାଇଁ ରବିବାର ପ୍ରଚାରର ଶୁଭାରମ୍ଭ କରି ଏହା କହିଛନ୍ତି । ଆଜି ଦକ୍ଷିଣ ଗୁଜରାଟର ଆଦିବାସୀବହୁଳ ଭାଲ୍ସାଡ୍ ଜିଲ୍ଲାର କପ୍ରଦା ନିର୍ବାଚନ ମଣ୍ଡଳି ଅନ୍ତର୍ଗତ ନାନା ପୋଣ୍ଢା ଗ୍ରାମଠାରେ ନିର୍ବାଚନୀ ସଭାକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି, ଗୁଜରାଟର ଏହି ବିକାଶ କ୍ଷେତ୍ରରେ ସେଠାକାର ପ୍ରତ୍ୟେକ ଗୁଜୁରାଟୀଙ୍କର ଅବଦାନ ରହିଛି । ସେମାନଙ୍କ ମଧ୍ୟରେ ଥିବା ଆତ୍ମବିଶ୍ୱାସ ତାଙ୍କୁ ପ୍ରତ୍ୟେକ ସମସ୍ୟାର ସଫଳ ମୁକାବିଲା ଦିଗରେ ସହାୟକ ହୋଇଥାଏ ।
ଶ୍ରୀ ମୋଦୀ କହିଛନ୍ତି ଯେ ଗତ ଦୁଇ ଦଶନ୍ଧି ମଧ୍ୟରେ ବିଜେପି ସରକାରଙ୍କ ଅଧୀନରେ ଏଠାକାର ଆଦିବାସୀ ତଥା ରାଜ୍ୟର ମତ୍ସ୍ୟଜୀବୀଙ୍କ ଜୀବନରେ ଏକ ବଡ଼ ପରିବର୍ତ୍ତନ ହୋଇଛି । ପ୍ରଧାନମନ୍ତ୍ରୀ ମଧ୍ୟ ଗୁଜରାଟର ସମସ୍ତ ପରିବାରକୁ ପାଇପ ଯୋଗେ ପାନୀୟ ଜଳ ଯୋଗାଣ ପାଇଁ ରାଜ୍ୟ ବିଜେପି ସରକାରଙ୍କୁ ଅଭିନନ୍ଦନ ଜଣାଇଛନ୍ତି।
Comments are closed.