ଗୋପାଳପୁର: କର୍ତ୍ତବ୍ୟରତ ପୁଲିସ ଏଏସଆଇଙ୍କୁ ଦୁର୍ବ୍ୟବହାର ସହ ଗାଳି ଗୁଲଜ କରିବା ମାମଲାରେ ଜଣେ ଅଭିଯୁକ୍ତକୁ ଗିରଫ କରାଯାଇ ଆଜି କୋର୍ଟ ଚାଲାଣ କରାଯାଇଛି। ଏହିପରି ଏକ ଘଟଣା ଘଟିଛି ଗୋଳନ୍ଥରା ଥାନା ଅଞ୍ଚଳରେ। ଗିରଫ ଯୁବକ ଜଣକ ତୁଳୁ ରୋଡ଼ର ରାମଚନ୍ଦ୍ର ରାଉତ ବୋଲି ପୁଲିସ ସୂଚନା ଦେଇଛି।
ମିଳିଥିବା ସୂଚନା ଅନୁଯାୟୀ, ସୋମବାର ସନ୍ଧ୍ୟା ସାଢେ ୭ଟା ବେଳେ ରାମଚନ୍ଦ୍ରଙ୍କ ସ୍ତ୍ରୀ ସବିତା ରାଉଳ ୧୧୨କୁ ଫୋନ କରି ତାଙ୍କ ସ୍ବାମୀ ତାଙ୍କୁ ଘର ଭିତରକୁ ଛାଡ଼ୁନାହାନ୍ତି ଓ ଧମକ ଦେଉଛନ୍ତି ବୋଲି ଅଭିଯୋଗ କରିଥିଲେ। ଏନେଇ ପୁଲିସ କଣ୍ଟ୍ରୋଲ ରୁମ୍ ପକ୍ଷରୁ ଗୋଳନ୍ଥରା ଥାନାକୁ ଅବଗତ କରିଥିଲେ। ସନ୍ଧ୍ୟା ପାଟ୍ରୋଲିଂରେ ଥିବା ଗୋଳନ୍ଥରା ଥାନା ଏସଆଇ ଅଭିଷେକ ପାଣ୍ଡବ ଘଟଣା ସ୍ଥଳକୁ ଯାଇ ପଚାରା ଉଚରା କରୁଥିବା ସମୟରେ ରାମଚନ୍ଦ୍ର ଉତକ୍ଷିପ୍ତ ହୋଇ ଦୁର୍ବ୍ୟବହାର ପ୍ରଦର୍ଶନ କରିବା ସହ ବିଭିନ୍ନ ଅଶ୍ଳୀଳ ଭାଷାରେ ଗାଳି ଗୁଲଜ କରି ଧମକ ଚମକ ଦେଇଥିଲେ। ଘଟଣା ପରେ ପୁଲିସ ପକ୍ଷରୁ ରାମଚନ୍ଦ୍ରକୁ କାବୁ କରାଯାଇ ଥାନାକୁ ନିଆଯାଇଥିଲା। ଘଟଣା ନେଇ ଶ୍ରୀ ପାଣ୍ଡବ ଗୋଳନ୍ଥରା ଥାନାରେ ଲିଖିତ ଏତଲା ଦେଇଥିଲେ। ଏହି ଅଭିଯୋଗକୁ ଭିତ୍ତି କରି ଥାନା ପକ୍ଷରୁ ନଂ ୩୭୭/୨୨ରେ ଏକ ମାମଲା ରୁଜୁ କରିବା ସହ ଆଜି ରାମଚନ୍ଦ୍ରକୁ ଗିରଫ କରି କୋର୍ଟ ଚାଲାଣ କରିଥିବା ପୁଲିସ ପକ୍ଷରୁ ସୂଚନା ମିଳିଛି।
Comments are closed.