କେବେ କେବେ ଆମ ଭାଗ୍ୟ ବହୁତ ଭଲ ହୋଇଥାଏ । ଜାତକରେ ଗ୍ରହ ଏବଂ ଜୀବନରେ ଦଶା ମଧ୍ୟ ଅତି ଉତ୍ତମ ସ୍ଥାନରେ ରହିଥାନ୍ତି। ତଥାପି ସମୟ ସହ ଭାଗ୍ୟ ସାଥ ଦେଇ ନଥାଏ । ହେବାକୁ ଯାଉଥିବା କୌଣସି କାର୍ଯ୍ୟ ହଠାତ୍ ଅଟକି ଯାଏ । ଆମ ଜୀବନ ସହ ଜଡିତ ଦୁର୍ଭାଗ୍ୟ ଏ ସବୁର କାରଣ । ଆଉ ଏହି ଦୁର୍ଭାଗ୍ୟ ଆମେ ନିଜ ଅଜାଣତରେ ସୃଷ୍ଟି କରିଥାଉ । ଏସବୁରୁ ବର୍ତ୍ତିବା ପାଇଁ ହେଲେ କିଛି କାମ ଠାରୁ ଆମକୁ ଦୂରେଇ ରହିବାକୁ ପଡିବ ଏବଂ ଅନ୍ୟ କିଛି କାମ ସାବଧାନତା ସହ କରିବାକୁ ହେବ । ତେବେ ଆସନ୍ତୁ ଜାଣିବା କେଉଁ କେଉଁ କାର୍ଯ୍ୟ କରିବା ଦ୍ବାରା ଜୀବନରେ ଦୁର୍ଭାଗ୍ୟ ଆସିଥାଏ ।
ଖାଦ୍ୟ-ପାନୀୟ ଯୋଗୁଁ ଆସେ ଦୁର୍ଭାଗ୍ୟ
ବେଆଇନ କାରବାର ଲିପ୍ତ ଥିବା ବ୍ୟବସାୟୀଙ୍କ ଘରେ ଯଦି ଭୋଜନ ଗ୍ରହଣ କରୁଛନ୍ତି, ତେବେ ଆପଣଙ୍କ ସ୍ବଭାବ ଓ ଅଭ୍ୟାସରେ ପରିବର୍ତ୍ତନ ଆସିଥାଏ ।
ଖରାପ ଚିନ୍ତାଧାରା ରଖୁଥିବା ବ୍ୟକ୍ତିଙ୍କ ଠାରୁ ଯଦି ଆପଣ ଖାଦ୍ୟ ଗ୍ରହଣ କରୁଛନ୍ତି, ତେବେ ଆପଣଙ୍କ ସମ୍ପର୍କ ବିଗିଡିବାର ସମ୍ଭାବନା ରହିଥାଏ ।ଆପଣଙ୍କ ପାଇଁ ଖରାପ ଚିନ୍ତା କରୁଥିବା ବ୍ୟକ୍ତିଙ୍କ ଠାରୁ ଭୋଜନ ଗ୍ରହଣ କଲେ, ସ୍ବାସ୍ଥ୍ୟାବସ୍ଥା ଖରାପ ହେବାର ଆଶଙ୍କା ରହିଥାଏ ।
ଯଦି କାହା ଠାରୁ ଜୋର କରି ବା ମାଗଣାରେ ଖାଦ୍ୟ ଖାଉଛନ୍ତି, ତେବେ ଅର୍ଥ ଉପର୍ଜନା ଓ ଧନ ଧୀରେ ଧୀରେ କମ୍ ହେବାରେ ଲାଗିଥାଏ ।
ତେବେ ଏହି ସବୁ ସମସ୍ୟାରୁ ମୁକ୍ତି ପାଇଁ ମଙ୍ଗଳବାର କୌଣସି ଗରିବଙ୍କୁ ଭୋଜନ ଦିଅନ୍ତୁ ଏବଂ ପ୍ରତିଦିନ ସକାଳେ ଭଗବାନ ହନୁମାନଙ୍କୁ ତୁଳସୀ ଜଳ ଅର୍ପଣ କରନ୍ତୁ ।
ଜାଣନ୍ତୁ ପୋଷାକରୁ କିଭଳି ଆସେ ଦୁର୍ଭାଗ୍ୟ
ଉତ୍ତମ ବସ୍ତ୍ର ଥାଇ ମଧ୍ୟ ଯଦି ଆପଣ ଖରାପ ବସ୍ତ୍ର ଧାରଣ କରୁଥାଆନ୍ତି, ତେବେ ଆପଣଙ୍କ ଜୀବନରେ ଦୁର୍ଭାଗ୍ୟ ଆସିଥାଏ ।
ଯଦି ଆପଣ ଜାଣି ଜାଣି ଅନ୍ୟକୁ ନିଜର ଖରାପ ବସ୍ତ୍ର ଦାନ ଦିଅନ୍ତି ତେବେ ଆପଣଙ୍କ ଜୀବନରେ ଦୁର୍ଭାଗ୍ୟ ଆସିଥାଏ । ଏହା ଦ୍ବାରା ଆପଣଙ୍କ ଆର୍ଥିକ ସ୍ଥିତି ମଧ୍ୟ ଖରାପ ହେବାରେ ଲାଗିଥାଏ ।
ପୋଷାକଜନିତ ଦୁର୍ଭାଗ୍ୟରୁ ବର୍ତ୍ତିବା ପାଇଁ ପରିଷ୍କାର ଓ ଉତ୍ତମ ବସ୍ତ୍ର ଧାରଣ କରନ୍ତୁ । ମଙ୍ଗଳବାର ଭଗବାନ ହନୁମାନଙ୍କୁ ଲାଲ ବସ୍ତ୍ର ଅର୍ପଣ କରନ୍ତୁ । ଭୁଲରେ ବି କାହାକୁ ଖରାପ ପୋଷାକ ଦିଅନ୍ତୁ ନାହିଁ ।
ମାଗଣାରେ ନେଇଥିବା ବସ୍ତୁ ବା ସେବା ଦ୍ବାରା ଆସିଥାଏ ଦୁର୍ଭାଗ୍ୟ
ଯଦି ଆପଣ କାହାଠାରୁ ମାଗଣାରେ ପୋଷାକ, ଖାଦ୍ୟ ଓ ପାନୀୟ ଏବଂ ବିନା ପାରିଶ୍ରମିକରେ ସେବା ନେଉଛନ୍ତି, ତାହାଲେ ଆଜାଣତରେ ଆପଣ ନିଜ ଭାଗ୍ୟ ସେହି ବ୍ୟକ୍ତିଙ୍କୁ ଦେଉଛନ୍ତି । ସେହିପରି ସେହି ବ୍ୟକ୍ତିର ଦୁର୍ଭାଗ୍ୟ ଆପଣଙ୍କ ଜୀବନକୁ ଚାଲି ଆସିଥାଏ ।
ଯଦି ଆପଣ ଏଭଳି କିଛି ଜିନିଷ ବା ସେବା ନେଉଛନ୍ତି ତେବେ ପ୍ରାପ୍ୟ ଅନୁଯାୟୀ ମୂଲ୍ୟ ଦିଅନ୍ତୁ । ଯଦି ଭୁଲ ବଶତଃ ଆପଣଙ୍କ ଦ୍ବାରା ଏଭଳି କାର୍ଯ୍ୟ ହୋଇ ସାରିଛି ତେବେ କୌଣସି ନିର୍ଦ୍ଧନ ବ୍ୟକ୍ତିଙ୍କୁ ଆପଣ ଅନ୍ନ ଓ ଧନ ଦାନ କରନ୍ତୁ । ଏହା ଦ୍ବାରା ଆପଣଙ୍କ ଦୁର୍ଭାଗ୍ୟ ନଷ୍ଟ ହେବ ।
ଜାଣନ୍ତୁ ଭ୍ରୂଣ ହତ୍ୟା ଓ ସ୍ତ୍ରୀ କୁ ଅପମାନ କରିବା ଦ୍ବାରା କିପରି ଆସେ ଦୁର୍ଭାଗ୍ୟ
ଯଦି ଆପଣ ଭ୍ରୂଣ ହତ୍ୟା କରୁଛନ୍ତି ବା କରାଉଛନ୍ତି ଏବଂ କୌଣସି ସ୍ତ୍ରୀ ସହ ଦୁର୍ବ୍ୟବହାର କରୁଛନ୍ତି ତେବେ ସେହି ମୁହୂର୍ତ୍ତରୁ ହିଁ ଆପଣଙ୍କ ଜୀବନରେ ଦୁର୍ଭାଗ୍ୟ ଆରମ୍ଭ ହୋଇଯିବ । ଆପଣଙ୍କ ବଂଶ ବୃଦ୍ଧି ଏବଂ ଉନ୍ନତିରେ ସମସ୍ୟା ନିଶ୍ଚିତ ସୃଷ୍ଟି ହେବ ।
ଯେଉଁ ପର୍ଯ୍ୟନ୍ତ ଜୀବନ-ମରଣକୁ ନେଇ ପ୍ରଶ୍ନ ଉଠିଛି ସେଯାଏଁ ଗର୍ଭପାତ କରନ୍ତୁ ବା କରାନ୍ତୁ ନାହିଁ ଏବଂ ଆବଶ୍ୟକୀୟ ନ ଥିଲେ କୌଣସି ସ୍ତ୍ରୀ ସହ କଠୋର ବ୍ୟବହାର କରନ୍ତୁ ନାହିଁ ।
ଯଦି ଆପଣ ଭ୍ରୂଣ ହତ୍ୟା କରିଛନ୍ତି ତେବେ ବହୁତ ଗୁଡିଏ ବର ଓ ଅଶ୍ବତ୍ଥ ବୃକ୍ଷ ଲଗାନ୍ତୁ । ନିତ୍ୟ ପ୍ରାତଃରେ ଗଜେନ୍ଦ୍ର ମୋକ୍ଷ ପାଠ କରନ୍ତୁ । ଯେଉଁ ସ୍ତ୍ରୀ ସହ ଖରାପ ବ୍ୟବହାର କରିଛନ୍ତି ତାଙ୍କୁ କ୍ଷମା ପ୍ରାର୍ଥନା କରିବା ଉତ୍ତମ ହେବ ।