କଟକ: ଜଗତପୁରରେ ହାତୀ ଆତଙ୍କ । ହାତୀ ଆକ୍ରମଣରେ ୨ଜଣଙ୍କ ମୃତ୍ୟୁ ହୋଇଛି। ଏନେଇ ଖବର ପାଇବା ପରେ ଘଟଣାସ୍ଥଳରେ ବନବିଭାଗ ପହଞ୍ଚିବା ସହ ହାତୀ ଘଉଡାଇବାକୁ ଉଦ୍ୟମ କରୁଛି । ହାତୀପଲରେ କେତୋଟି ହାତୀ ରହିଛନ୍ତି ତାହା ସ୍ପଷ୍ଟ ଭାବେ ଜଣାପଡ଼ିନାହିଁ । ତେବେ ହାତୀମାନଙ୍କୁ ଘଉଡାଇବାକୁ ୧୦୦ରୁ ଅଧିକ ବନ କର୍ମଚାରୀ ନିୟୋଜିତ ଥିବା ସୂଚନା ମିଳିଛି ।
ଲୋକଙ୍କ ସୁରକ୍ଷା ପାଇଁ ଜଗତପୁରର ଗୋଲେଇ ଛକ ଠାରୁ ଆଇବି ରୋଡ୍ ଯାଏଁ ଯାତାୟାତ ବନ୍ଦ କରିଦିଆଯାଇଛି । ହାତୀ ଗୁଡ଼ିକ ନଦୀ ପାର ହୋଇ ଆସିଥିବା ଅନୁମାନ କରାଯାଉଛି । ଏବେ ବି ବନବିଭାଗ ପକ୍ଷରୁ ହାତୀପଲକୁ ଘଉଡାଇବାକୁ ଉଦ୍ୟମ ଜାରି ରହିଛି । ସୂଚନା ମୁତାବକ ସ୍ଥାନୀୟ ଅଞ୍ଚଳର ଜଣେ ବୃଦ୍ଧ ଓ ଜଣେ ବୃଦ୍ଧାଙ୍କୁ ହାତୀ ଦଳିମାରି ଦେଇଛି । ବର୍ତ୍ତମାନ ୩ଟି ହାତୀ ଜଗତପୁରରେ ଆତଙ୍କ ରଚାଉଛନ୍ତି ।
Comments are closed.