ନୀଳଗିରି: ବାଲେଶ୍ୱର ଜିଲାର ନୀଳଗିରି ଉପଖଣ୍ଡ ତଥା ଔପଦା ବ୍ଲକ ବାଉଁଶବଣିଆ ପଞ୍ଚାୟତ ଅଧୀନ ସାନପାଟପୁର ସରକାରୀ ଉଚ୍ଚ ବିଦ୍ୟାଳୟର ଜଣେ ସପ୍ତମ ଶ୍ରେଣୀ ଛାତ୍ରଙ୍କ ମହାନତା ସମ୍ପ୍ରତି ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ନିକଟସ୍ଥ କଅଁରପୁର ଗାଁର କୁଶଚନ୍ଦ୍ର ବେହେରାଙ୍କ ପୁଅ ଶୁଭଙ୍କର(୧୨) ସକାଳେ ସ୍କୁଲକୁ ଆସୁଥିବା ସମୟରେ ରାସ୍ତାରୁ ୨୫ହଜାର ୫ଶହ ଟଙ୍କା ପାଇଥିଲେ । ଅର୍ଥ ପ୍ରତି ଆଦୌ ଲାଳସା ରଖି ନଥିବା ଛାତ୍ରଜଣକ ଏ ସମ୍ପର୍କରେ ସ୍କୁଲ ଶିକ୍ଷକ, ଶିକ୍ଷୟିତ୍ରୀଙ୍କୁ ଜଣାଇଥିଲେ । ସ୍କୁଲ ପକ୍ଷରୁ ସନ୍ଧାନ ନେବା ପରେ ଏହି ହଜି ଯାଇଥିବା ଟଙ୍କାଗୁଡ଼ିକ ସ୍ଥାନୀୟ ଟଣକା ଅଞ୍ଚଳର ଜନୈକ ବ୍ୟକ୍ତିଙ୍କର ବୋଲି ଜଣାପଡ଼ିଥିଲା। ତାଙ୍କୁ ଡକାଯିବା ପରେ ସମସ୍ତ ଅର୍ଥ ଛାତ୍ରଜଣକ ଫେରସ୍ତ କରିଥିଲେ । ତେବେ ଛାତ୍ରଙ୍କର ଏହି ମହାନତା ପାଇଁ ଶିକ୍ଷକ, ଶିକ୍ଷୟିତ୍ରୀ ଓ ସହପାଠୀଙ୍କ ପାଦ ତଳେ ଲାଗୁନଥିବା ଦେଖିବାକୁ ମିଳିଛି । ଛାତ୍ରଙ୍କର ଏହି ନିର୍ଲୋଭ ଓ ସାହାଯ୍ୟ ମନୋବୃତ୍ତି ସମ୍ପ୍ରତି ଅନ୍ୟ ସହପାଠୀଙ୍କ ପାଇଁ ପ୍ରେରଣାର ଉତ୍ସ ପାଲଟି ଯାଇଛି ।
Comments are closed.