ବୌଦ୍ଧ: ବୌଦ୍ଧର ଇଷ୍ଟଦେବୀ ମା ଭୈରବୀଙ୍କ ପୀଠରେ ସପ୍ତପୁରୀ ଅମାବାସ୍ୟା ଅବସରରେ ଶନିବାର ଦିନ ସ୍ୱତନ୍ତ୍ର ପୁଜା ଅନୁଷ୍ଠିତ ହୋଇଯାଇଛି। ପାରମ୍ପରିକ ରୀତିନିତି ସହ ସକାଳର ନୀତିକାନ୍ତି ସରିବାପରେ ମା ଭୈରବୀଙ୍କ ବେଶ କରାଯାଇଥିଲା। ମା ଭୈରବୀଙ୍କ ଠାରେ ପୀଠ ଭୋଗ ସହ ଡାଲି ଜାତୀୟ ଭୋଗ ଲାଗି କରାଯାଇଥିଲା। ମାଟି ନିର୍ମିତ ହନୁମାନଙ୍କୁ ପୂଜା କରାଯିବାପରେ ନୂତନ ଚାଙ୍ଗୁଡିରେ ମାଟି ପାତ୍ରରେ ଭୋଗ ଲାଗି କରାଯାଇଥିଲା। ମୁଖ୍ୟ ସେବାୟତ ଗୌରୀଶଙ୍କର ବଡମାଳି, ପାଳିଆ ସେବାୟତ ସାନନ୍ଦ ବଡମାଳିଙ୍କ ସମେତ ଅନ୍ୟମାନେ ପୂଜା କାର୍ଯ୍ୟରେ ସହଯୋଗ କରିଥିଲେ। ଶତାଧିକ ଭକ୍ତ ମାଙ୍କ ଦର୍ଶନ କରିଥିଲେ।
Comments are closed.