ଚୌଦ୍ୱାର: ସର୍ବସାଧାରଣ ଯାତାୟତ ରାସ୍ତାରେ ହଠାତ୍ ଏକ ବାଇକ ଜଳିଯାଇଛି। ନିଅାଁ ଲାଗିବାର କାରଣ ଜଣାପଡିନଥିଲେ ହେଁ ଚୌଦ୍ୱାର ପୁଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଜାରି ରଖିଛି।
ସୂଚନା ଅନୁଯାୟୀ ଗୁରବାର ରାତି ପ୍ରାୟ ୯.୩୦ମି ସମୟରେ ଜନୈକ ବ୍ୟବସାୟୀ ଏକ ନର୍ସିଂ ହୋମ ସମ୍ମୁଖରେ ନିଜ ଟିଭିଏସ ମୋପୋଡ ଗାଡିରେ କିଛି ଜିନିଷ ପତ୍ର ରଖି ଦୋକନ ଭିତରକୁ ଯାଇଥିଲେ। ହଠାତ୍ ତାଙ୍କ ଗାଡିରେ ନିଅାଁ ଲାଗି ହୁତୁହୁତୁ ହୋଇ ଜଳୁଥିବା ଦେଖି ସ୍ଥାନୀୟ ଲୋକେ ରୁଣ୍ଡ ହୋଇଯାଇଥିଲେ। ନିଅାଁର ପ୍ରକୋପ ଏତେ ପ୍ରଖର ରହିଥିଲା ଯେ ପାଖକୁ ଯିବା ପାଇଁ ଲୋକେ ଭୟ କରିଥିଲେ। ଫଳରେ ଗାଡିଟି ସଂପୂର୍ଣ୍ଣ ପୋଡିଜଳି ଯାଇଥିଲା। ନର୍ସିଂଂହୋମର କର୍ମଚାରୀ ଅଗ୍ନି ନିରାପତ୍ତା ବାଷ୍ପ ପ୍ରୟୋଗ କରି ନିଅାଁକୁ ଆୟତ୍ତ କରିଥିଲେ। ଏନେଇ ଜାତୀୟ ରାଜପଥ ୫୫ନଂ ଚୌଦ୍ୱାର ଥାନା ସମ୍ମୁଖ ସର୍ଭିସ୍ ରୋଡରେ କିଛି ସମୟ ପାଇଁ ଗାଡିମଟର ଚଳାଚଳ ବାଧାପ୍ରାପ୍ତ ହୋଇଥିଲା।
Comments are closed.