ଭୁବନେଶ୍ୱର/ପୁରୀ- ଓଡିଶା ଅର୍ଥ ସେବାର ଅବସରପ୍ରାପ୍ତ ବରିଷ୍ଠ ଅଧିକାରୀ ନିରଞ୍ଜନ ଭୁୟାଁଙ୍କର ନିଧନ । ୯୧ ବର୍ଷ ବୟସରେ ତାଙ୍କର ପରଲୋକ ଘଟିଛି । ସେ ଇସ୍ପାତ ଓ ଖଣି ବିଭାଗର ପ୍ରାକ୍ତନ ଅର୍ଥ ପରାମର୍ଶଦାତା ଏବଂ ଡେପୁଟୀ ସେକ୍ରେଟାରୀ ଭାବେ କାର୍ଯ୍ୟ ତୁଲାଇଥିଲେ। ପୁରୀ ସ୍ୱର୍ଗଦ୍ୱାରରେ ତାଙ୍କର ଅନ୍ତିମ ସଂସ୍କାର କରାଯାଇଛି । ତାଙ୍କର ଜ୍ୟେଷ୍ଠପୁତ୍ର ତଥା ଓଡିଶା ସରକାରଙ୍କର ପୂର୍ବତନ ପେନସନ ଓ ସାଧାରଣ ଅଭିଯୋଗ ବିଭାଗର ନିର୍ଦେଶକ ସୁଧାଂଶୁ ଶେଖର ଭୂୟାଁ ମୁଖାଗ୍ନି ଦେଇଥିଲେ ।
ନିରଞ୍ଜନଙ୍କ ଜାମତା ରାଜସ୍ବ ବିଭାଗର ଅବସରପ୍ରାପ୍ତ ସ୍ବତନ୍ତ ଶାସନ ସଚିବ ଶ୍ରୀଚରଣ ସାମଲ , ଜାମାତା ଏନଟିପିସିର ବରିଷ୍ଠ ଅଧିକାରୀ ସୁଧାଂଶୁ କୁମାର ପରିଡା, ସ୍ବାସ୍ଥ୍ୟବିଭାଗର ଦିପ୍ତୀ ରଞ୍ଜନ ପଟ୍ଟନାୟକ, ପୁତ୍ର ଟିସିଏସର ଦେବାଶୀଶ ଭୂୟାଁ, ନବଭାରତ ଆଲୟଜର ଇଞ୍ଜିନିୟର ଶୁଭ୍ରାଂଶୁ ଭୂୟାଁ, ବରିଷ୍ଠ ନାଟ୍ୟକାର ଓ ସାହିତ୍ୟିକ ସରୋଜ ମିଶ୍ର, ସମାଜସେବୀ ମହେନ୍ଦ୍ର ନାଥ ପଲାଇ ଓ ଏକାମ୍ର ସାରସ୍ବତ ସଂଘର ଶ୍ରୀଶ୍ରୀ ନିଗମାନନ୍ଦଙ୍କର ଭକ୍ତମାନେ ଦିଂବଗତ ଆତ୍ମାର ସଦଗତି କାମନା କରି ଶେଷ ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ। ତାଙ୍କ ବିୟୋଗରେ ନୀଳାଚଳ ସାରସ୍ବତ ସଂଘର ସଭାପତି ସନ୍ତୋଷ କୁମାର ମହାନ୍ତି, ପରିଚାଳକ ଶରତ ଚନ୍ଦ୍ର ସିଂହଦେଓ, ରାଜ୍ୟ ଖାଦ୍ୟ ଓ ଯୋଗାଣ ମନ୍ତ୍ରୀ ଅତନୁ ସବ୍ୟସାଚୀ ନାୟକ ଗଭୀର ଶୋକ ପ୍ରକାଶ କରିଛନ୍ତି।
