ଭୁବନେଶ୍ୱର: ଦ୍ରୌପଦୀ.. ନାଁ ଯେମିତି । ନିଜ ଜୀବନର ସଂଘର୍ଷ ବି ସେମିତି । ସେଦିନର ସେ ମହାଭାରତର ସେ ରାଜକନ୍ୟା ନୁହଁନ୍ତି । କି ତାଙ୍କ ପିତା ରାଜାବି ନଥିଲେ । ହେଲେ ଅଭାବୀରୁ ତିଆରି କରିଛନ୍ତି ନିଜର ପରିଚୟ । ରାଜ୍ୟ ନୁହେଁ ଏବେ ଦେଶ ଭାରର ମୁକଟ ପିନ୍ଧିବେ ଦ୍ରୌପଦୀ । ତେବେ ଆସନ୍ତୁ ଜାଣିବା ଦ୍ରୌପଦୀଙ୍କ କ୍ୟାରିୟର ବିଷୟରେ ।
ଦ୍ରୌପଦୀ ମୁର୍ମୁ ପ୍ରଥମେ ଶିକ୍ଷୟିତ୍ରୀ ଭାବେ ଏକ ସରକାରୀ ବିଦ୍ୟାଳୟରେ ଶିକ୍ଷାଦାନ କରୁଥିଲେ । ପରେ ସେ ରାଜନୀତିକୁ ପ୍ରବେଶ କଲେ । ୧୯୯୭ ମସିହାରେ ମୟୂରଭଞ୍ଜ ଜିଲ୍ଲା ରାଇରଙ୍ଗପୁରରୁ ବିଜେପି କାଉନସିଲର ଭାବେ ନିର୍ବାଚିତ ହୋଇ କାର୍ଯ୍ୟକଲେ । ପରେ ୨୦୦୦ ମସିହାରେ ରାଇରଙ୍ଗପୁରରୁ ବିଜେପି ଦଳରୁ ବିଧାୟିକା ଭାବେ ନିର୍ବାଚିତ ହୋଇଥିଲେ ।
ସେହିସମୟରେ ବିଜେଡି ବିଜେପି ମିଳିତ ସରକାର ଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମନ୍ତ୍ରୀମଣ୍ଡଳରେ ପରିବହନ ଭାଳି ଗୁରୁତ୍ୱପୂର୍ଣ୍ଣ ମନ୍ତ୍ରୀପଦ ତାଙ୍କୁ ମିଳିଥିଲା । ଏହା ପରେ ୨୦୧୫ ମସିହାରୁ ୨୦୨୧ ମସିହା ପର୍ଯ୍ୟନ୍ତ ଝାଡ଼ଖଣ୍ଡର ରାଜ୍ୟପାଳ ଭାବେ ଦାୟିତ୍ଵ ତୁଲାଇଥିଲେ । ବର୍ତ୍ତମାନ ଏନଡିଏ ତାଙ୍କ ନାଁ ରାଷ୍ଟ୍ରପତି ପ୍ରାର୍ଥୀ ଭାବେ ଘୋଷଣା କରିଛି । ଯାହାକି ପ୍ରଥମ ଆଦିବାସୀ ମହିଳା ଭାବେ ତାଙ୍କ ନାମ ଘୋଷଣା ହୋଇଛି ।
