ପିପିଲି : ପିପିଲି ପୁଲିସ ପ୍ରାୟ ଏକ କୋଟି ଟଙ୍କାର ଧଳା ଜହର ଜବତ କରିବା ସହ ୫ ଜଣ ନିଶା ବେପାରୀଙ୍କୁ ଗିରଫ କରିଛି । ବିଶ୍ବସ୍ତ ସୂତ୍ରରୁ ଖବର ପିପିଲି ପୁଲିସ ଥାନାର ଭାରପ୍ରାପ୍ତ ଅଧିକାରୀ ଅଭିମନ୍ୟୁ ନାୟକଙ୍କ ନେତୃତ୍ବରେ ଉତ୍ତରା ସ୍ଥିତ ରାମମନ୍ଦିର ନିକଟରେ ଚଢଉ କରିଥିଲେ । ସେଠାରେ ୫ ଜଣ ଅଭିଯୁକ୍ତ ଧଳା ଜହର କାରବାର କରୁଥିବା ବେଳେ ପୁଲିସ ସେମାନଙ୍କୁ ଗିରଫ କରିଛି।
ମୁଖ୍ୟ ଅଭିଯୁକ୍ତ ମୁରାସିଦ ଖାନ ଓରଫ ଜୁମା ପାଖରୁ ୫୫୦ଗ୍ରାମ, ସେକ ସାଜତ ଅଲ୍ଲୀ ପାଖରୁ ୪୨୮ ଗ୍ରାମ ଓଜନର ଧଳା ଜହର ଜବତ କରିଛି । ଅଭିଯୁକ୍ତମାନଙ୍କ ପାଖରୁ ଏକ ସ୍କୁଟି, ମଟର ସାଇକେଲ ଏବଂ ୩୫୦୦ଟଙ୍କ ମଧ୍ୟ ଜବତ ହୋଇଛି। ଅଭିଯୁକ୍ତ ମାନଙ୍କ ମଧ୍ୟରେ ଜଣେ ନାବାଳକ ଅଛି। ଅନ୍ୟ ଦୁଇ ଅଭିଯୁକ୍ତ ହେଲେ ଜାବିଦ ସା ଓ ସେକ ସାଜିଦ ଅଲ୍ଲୀ। ପୁରୀ ପୁଲିସ ଦ୍ବାରା ଏହା ଦ୍ବିତୀୟ ସର୍ବାଧିକ ନିଶା ଦ୍ରବ୍ୟ ଜବତ ଘଟଣା ବୋଲି ପିପିଲି ଉପଖଣ୍ଡ ଆରକ୍ଷୀ ଅଧିକାରୀ କହିଛନ୍ତି।
Comments are closed.