ନୂଆଦିଲ୍ଲୀ – ଦିଲ୍ଲୀର ପାହାଡଗଞ୍ଜ ଅଞ୍ଚଳରେ ଛାତ ଭୁଶୁଡି ପଡିବାରୁ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିବା ବେଳେ ତିତିଜଣ ଗୁରୁତର ହୋଇଛନ୍ତି ।
ପାହାଡଗଞ୍ଜର ଖାନା ମାର୍କେଟ ଅଞ୍ଚଳରେ ଏହି ଘରକୁ ଦିଲ୍ଲୀ ନଗର ନିଗମ ପକ୍ଷରୁ ବିପଦ ସଙ୍କୁଳ ବୋଲି ଘୋଷଣା କରାଯାଇଥିଲା । ଦ୍ୱିତୀୟ ମହଲାର ଛାତ ପ୍ରଥମେ ଭୁଶୁଡି ଥିଲା ଏହା ପ୍ରଥମ ମହଲା ଉପରେ ପଡିବାରୁ ତାହା ମଧ୍ୟ ଭୁଶୁଡି ପଡିଥିଲା ।
ଅଗ୍ନିଶମ ବାହିନୀର ଜବାନମାନେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ୪ ଜଣଙ୍କୁ ସଙ୍କଟାପନ୍ନ ଅବସ୍ଥାରେ ଦିଲ୍ଲୀର କଳାବତୀ ଶରଣ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ସେଠାରେ ଅମଜାଦ ନାମକ ୩ ବର୍ଷର ଶିଶୁର ମୃତ୍ୟୁ ହୋଇଛି । ଅମଜାଦର ପିତା ମହମ୍ମଦ ଜହିର(୫୨), ଭଉଣୀ ଜରିନା (୧) ଏବଂ ଆଲିଫା (୮) ଆହତ ହୋଇଛନ୍ତି ।
କାଳେ ଭଗ୍ନାଂଶ ତଲେ ଆଉ କିଏ ଥିବେ ପୁଲିସ ଏବଂ ଅଗ୍ନିଶମ ବାହିନୀ ପକ୍ଷରୁ ତଲାସୀ କାମ ଜାରି ରହିଛି ।
Comments are closed.