ଅମୃତସର – ପଞ୍ଜାବର ରାଜଧାନୀ ଅମୃତସରରେ ଥିବା ଖାଲସା ମହାବିଦ୍ୟାଳୟ ସାମ୍ନାରେ ଅଜଣା ଦୁର୍ବୃତ୍ତଙ୍କ ଗୁଳିମାଡରେ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି । ମହାବିଦ୍ୟାଳୟ ପ୍ରବେଶ ଦ୍ୱାର ନିକଟରେ ଦୁଇ ଗୋଷ୍ଠୀଙ୍କ ମଧ୍ୟ ମାରପିଟ୍ ଚାଲିଥିଲା । ଏହି ସମୟରେ ମଟର ସାଇକେଲ୍ରେ ଆସି ଦୁଇ ଜଣ ଦୁର୍ବୃତ ଗୁଳିମାଡ କରିଥିଲେ । ଏଥିରେ ଲଭପ୍ରୀତ ଏବଂ ଗୁରସିମରନ୍ ନାମକ ଦୁଇ ଜଣ ଯୁବକ ଗୁରୁତର ହୋଇଥିଲେ । ଡାକ୍ତରଖାନାକୁ ଚିକିତ୍ସା ପାଇଁ ନିଆଯାଇଥିଲା ।
ସେଠାରେ ଡାକ୍ତର ଜଣଙ୍କୁ ମୃତ ଘୋଷଣା କରିଥିବା ବେଳେ ଅନ୍ୟଜଣଙ୍କୁ ଗୁରୁତର ଅବସ୍ଥାରେ ଚିକିତ୍ସା କରାଯାଉଛି । ପୁଲିସ ଘଟଣାସ୍ଥଳରେ ପହଞ୍ଚି ଏହାର ତଦନ୍ତ ଆରମ୍ଭ କରିଛି । ଏହା ଗୋଷ୍ଠୀ ସଂଘର୍ଷ ନୁହେଁ ବୋଲି ପୁଲିସ କହିଛି ।
ଲଭପ୍ରୀତଙ୍କର ମୃତ୍ୟୁ ହୋଇଛି । ସେ ଏକ ବେସରକାରୀ ବ୍ୟାଙ୍କର କର୍ମଚାରୀ ବୋଲି ଜଣାପଡିଛି । ତାଙ୍କର ଛାତି ଏବଂ ପେଟରେ ଗୁଳିମାଡ ହୋଇଥିଲା । ଅନ୍ୟଜଣଙ୍କ ଶରୀରରୁ ଗୁଳି କଢାଯାଇଥିବା ଚିକିତ୍ସା କରୁଥିବା ଡାକ୍ତର କହିଛନ୍ତି । ତେବେ ତାଙ୍କ ଅବସ୍ଥା ସଙ୍କଟାପନ୍ନ ଥିବା ପୁଲିସ କହିଛି ।
