ଭୁବନେଶ୍ୱର : କଟକ ବାରବାଟୀ ଷ୍ଟାଡିୟମରେ ଟି-୨୦ ମ୍ୟାଚ ପୂର୍ବରୁ ମକଡ୍ରିଲ୍ କରାଯାଇଛି । ପ୍ରତିକୂଳ ପରିସ୍ଥିତିର ମୁକାବିଲା ପାଇଁ ବିଭିନ୍ନ ବିଭାଗ ପକ୍ଷରୁ ମକଡ୍ରିଲ ହୋଇଛି । ମକଡ୍ରିଲରେ ପୁଲିସ, ଅଗ୍ନିଶମ କର୍ମଚାରୀ ଓ ସୁରକ୍ଷାକର୍ମୀ ସାମିଲ ହୋଇଥିଲେ । କଟକ ଡିସିପି ପିନାକ ମିଶ୍ର ଉପସ୍ଥିତ ରହି ନିଜେ ସ୍ଥିତି ଅନୁଧ୍ୟାନ କରିଥିଲେ । ଗ୍ୟାଲେରୀରୁ ଆରମ୍ଭ କରି ଖେଳାଳିଙ୍କ ପ୍ରବେଶ ଓ ପ୍ରସ୍ଥାନ ସ୍ଥାନ ଯାଞ୍ଚ କରାଯାଇଛି।
- Advertisement -
ଆସନ୍ତା ୧୨ ତାରିଖରେ ଭାରତ ଓ ଦକ୍ଷିଣ ଆଫିକ୍ରା ମଧ୍ୟରେ ମ୍ୟାଚ୍ ଖେଳାଯିବ। ଏଥିପାଇଁ ଗତକାଲିଠାରୁ ଅନଲାଇନ୍ ଟିକେଟ୍ ବିକ୍ରି ଆରମ୍ଭ ହୋଇଥିଲା। ତେବେ ଟିକେଟ୍ ବୁକିଂ ସାଇଟ୍ ଖୋଲିବାର ୫ ମିନିଟ୍ ମଧ୍ୟରେ ବିକ୍ରି ପାଇଁ ଉର୍ଦ୍ଦଷ୍ଟ ସମସ୍ତ ୫ ହଜାର ଟିକେଟ୍ ବିକ୍ରି ହୋଇଯାଇଥିଲା। ଏହାକୁ ନେଇ କ୍ରିକେଟ୍ ପ୍ରେମୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି।
